កីឡា

FIFA បង្ហាញការភ្ញាក់ផ្អើលជាថ្មីពី កីឡាករជាប់ជម្រើសជាតិម៉ាឡេស៊ី ៧នាក់សុទ្ធតែក្លែងបន្លំ

បានផុស

១ ខែ មុន

នៅ

ថ្ងៃអង្គារ ៧ តុលា ២០២៥

ដោយ

សហព័ន្ធកីឡាបាល់ទាត់អន្តរជាតិ (FIFA) បានបង្ហាញពីប្រភពដើមនៃកីឡាករបរទេសជាប់ជម្រើសជាតិម៉ាឡេស៊ី ៧ នាក់ សុទ្ធតែក្លែងបន្លំឯកសារ។

កាលពីល្ងាចមិញ (ថ្ងៃទី៦ ខែតុលា) FIFA បានបង្ហាញពីការស្រាវជ្រាវប្រភពសំបុត្រកំណើតនៃជីដូន ជីតារបស់កីឡាករបរទេស ៧ នាក់ ដែលបានជាប់ជម្រើសជាតិម៉ាឡេស៊ី គឺមិនមែនមានកំណើតនៅប្រទេសម៉ាឡេស៊ីទេ ប៉ុន្តែសមាគមកីឡាបាល់ទាត់ម៉ាឡេស៊ី បានដាក់ជីដូនជីតារបស់ពួកគេកើតនៅប្រទេសម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមជាមួយគ្នានេះ សមាគមកីឡាបាល់ទាត់ម៉ាឡេស៊ី (FAM) បានបញ្ជាក់ជាផ្លូវការថា ខ្លួននឹងប្តឹងជំទាស់ពីការសម្រេចរបស់ FIFA។ ខ្លួន នឹងដំណើរការស្របច្បាប់គ្រប់ទម្រង់ ដើម្បីបញ្ជាក់ពីភាពត្រឹមត្រូវរបស់ខ្លួន។ ពួកគេបានសង្កត់ធ្ងន់ថា FIFA គ្មានភស្តុតាងច្បាស់លាស់សម្រាប់ការគាំទ្រដល់ការចោទប្រកាន់លើខ្លួន។

ករណីកីឡាករជម្រើសជាតិម៉ាឡេស៊ី ៧ នាក់ត្រូវបានធ្វើការស៊ើបអង្កេត បន្ទាប់ពីម៉ាឡេស៊ី បានឈ្នះវៀតណាម ដោយលទ្ធផល ៤-០ កាលពីថ្ងៃទី១០ ខែមិថុនា ឆ្នាំ ២០២៥ ក្នុងវគ្គជម្រុះជើងឯកអាស៊ី 2027 AFC Asian Cup Qualifiers។

សហព័ន្ធកីឡាបាល់ទាត់អន្តរជាតិ បានរកឃើញថា ដើមកំណើតរបស់ ជីដូនជីតារបស់កីឡាករក្លែងក្លាយ។ តាមពិតដើមកំណើតរបស់ជីដូនជីតានៅប្រទេសអាហ្សង់ទីន អេស្ប៉ាញ ប្រេស៊ីល និង ហូឡង់ គឺមិនមែនកើតនៅម៉ាឡេស៊ីទេ។ FIFA បញ្ជាក់ថា ដូច្នេះ គ្មានកីឡាករណាម្នាក់ក្នុងចំណោម ៧ នាក់នោះមានសិទ្ធិតំណាងឲ្យជម្រើសជាតិម៉ាឡេស៊ីឡើយ។

ឥឡូវ ករណីនេះកំពុងដំណើរការបន្ត ហើយអាចឈានដល់ទៅដល់តុលាការអាជ្ញាកណ្តាលកីឡា (CAS)។ សហព័ន្ធកីឡាបាល់ទាត់អាស៊ី (AFC) ក៏នឹងពិនិត្យមើលជុំវិញករណីនេះបន្ថែមទៀត ថាតើម៉ាឡេស៊ីបំពានលើច្បាប់យ៉ាងណា៕

ចាប់តាំងពីសហព័ន្ធកីឡាបាល់ទាត់អន្តរជាតិ បានបង្ហាញករណីជាសាធារណៈកាលពីចុងខែកញ្ញា ឆ្នាំ ២០២៥ កីឡាករទាំង ៧ នាក់មិនមានឈ្មោះក្នុងក្រុមជម្រើសជាតិម៉ាឡេស៊ី និងក្លិបរបស់ពួកគេទេ។ FIFA បានពិន័យកីឡាករម្នាក់ៗជាប្រាក់ ២៥០០ដុល្លារ និងមិនឲ្យមានសកម្មភាពបាល់ទាត់រយៈពេល ១២ ខែ ហើយសមាគមកីឡាបាល់ទាត់ម៉ាឡេស៊ី ត្រូវបានពិន័យជាប្រាក់ជាង ៤៣ម៉ឺនដុល្លារ។

កីឡាករទាំង៧នាក់