ចរាចរណ៍

រថយន្តឃ្លុបដឹកទំនិញ ១ គ្រឿង បែកកង់ ធ្លាយចេញឈើ នៅស្រុករវៀង

បានផុស

៧ ខែ មុន

នៅ

ថ្ងៃសុក្រ ៧ វិច្ឆិកា ២០២៥

ដោយ

រថយន្តឃ្លុបដឹកទំនិញ ១ គ្រឿង បែកកង់ធ្លាយចេញសុទ្ធតែឈើ ត្រូវបានសមត្ថកិច្ចប្រមូលទុកនៅស្នាក់ការរដ្ឋបាលព្រៃឈើស្រុករវៀង ដើម្បីរង់ចាំចាត់ការបន្ត រីឯម្ចាស់រថយន្តគេចខ្លួនបាត់ស្រមោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ៣ និង ៣០ នាទី ថ្ងៃទី ៦ ខែវិច្ឆិកា ឆ្នាំ ២០២៥ ស្ថិតនៅភូមិភ្នំដែក ឃុំរមណីយ ស្រុករវៀង ខេត្តព្រះវិហារ។

មន្ត្រីរដ្ឋបាលព្រៃឈើស្រុករវៀង បានឲ្យដឹងថា មានករណីគ្រោះថ្នាក់ចរាចរណ៍បង្កដោយខ្លួនឯងនៅត្រង់ចំណុចគីឡូម៉ែត្រ ៧០-៧១ លើផ្លូវជាតិលេខ ៦២ ស្ថិតនៅទីតាំងខាងលើ រថយន្តម៉ាកគារ ពណ៌ស ពាក់ផ្លាកលេខ ភ្នំពេញ ២BF.៤៣៧១ អ្នកបើកបររថយន្តរត់គេចខ្លួនពុំស្គាល់អត្តសញ្ញាណ។ រថយន្តខាងលើ បានផ្ទុកឈើប្រភេទលេខ ១ សុក្រម ប្រមាណ ១៧ ដុំ ប្រវែង ២ ម៉ែត្រ។ ចំពោះឈើដែលនៅលើរថយន្ត រដ្ឋបាលព្រៃឈើ បានយកទៅរក្សាទុកនៅសង្កាត់រដ្ឋបាលព្រៃឈើរវៀង។ ចំណែកសម្ភារៈវត្ថុតាងរថយន្តកម្លាំងជំនាញយកទៅរក្សាទុកនៅអធិការដ្ឋាននគរបាលស្រុករវៀង ដើម្បីស្រាវជ្រាវរកអ្នកបើកបរបន្ត។

ប្រភពដដែល បានបញ្ជាក់ថា មុនពេលក្រឡាប់រថយន្តឃ្លុបនោះធ្លាយឈើប្រមាណជាង ៥០ ដុំ តែត្រូវគេដឹកយកទៅខ្លះ ទើបនៅសល់តែ ១៧ ដុំ សម្រាប់ធ្វើជាវត្ថុតាង។

ប្រភពបន្តថា ក្រុមឈ្មួញបានកាប់បំផ្លាញព្រៃឈើនៅព្រៃឡង់ ក្នុងខេត្តព្រះវិហារ រួចដឹកជញ្ជូនយកទៅចែកចាយនៅតាមខេត្តនានាយ៉ាងរលូន ដោយគេសង្ស័យថា សមត្ថកិច្ចមួយចំនួនទទួលលាភសក្ការៈជាថ្នូរមិនបង្ក្រាប៕

អត្ថបទ ៖ ជុន កុសល