ចរាចរណ៍
ឪពុកដឹកកូន មកពីលេងតា ជួបគ្រោះថ្នាក់ចរាចរណ៍ បណ្ដាលឲ្យកូនស្រីម្នាក់ អាយុ២ខួបបានស្លាប់
បុរសម្នាក់ ជិះម៉ូតូដឹកកូនស្រី-ប្រុស ២នាក់ មកពីលេងផ្ទះតា ទាំងមេឃកំពុងធ្លាក់ភ្លៀង ស្រាប់តែអកហ្សឺ ជាមួយរថយន្តកុងតឺន័រ ចាប់ហ្វ្រ័ងបង្ខំបណ្ដាលឲ្យដួល ខ្ទាតកូនស្រីអាយុ២ខួប ចូលក្រោមកង់រថយន្តកុងតឺន័រ កិនស្លាប់យ៉ាងអាណោចអាធម័ ហើយភ្លាមនោះរថយន្តកុងតឺន័រ បានបើកបន្តទៅមុខបាត់។
ហេតុការណ៍ គ្រោះថ្នាក់ចរាចរណ៍ដ៏រន្ធត់នេះ បានបង្កការភ្ញាក់ផ្អើល កាលពីវេលាម៉ោង៩យប់ ថ្ងៃសុក្រទី២០ ខែសីហា ឆ្នាំ២០២១ ត្រង់ចំណុចខាងលិចស្តុបបឹងទំពុន ប្រមាណ៦០ម៉ែត្រ តាមបណ្តោយផ្លូវ៣៧១ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
សពក្មេងស្រីមានឈ្មោះ សេរី មរកត អាយុ២ខួប និងអ្នករងរបួសស្រាល២នាក់ទៀត ទី១មានឈ្មោះ សេរី ចេស្ដា ភេទប្រុស អាយុ៥ឆ្នាំ ជនជាតិខ្មែរ ជាកូនបង ចំណែកឪពុកមានឈ្មោះ ឆន សុភ័ក្ដ្រ ភេទប្រុស អាយុ២៩ឆ្នាំ ជនជាតិខ្មែរ មុខរបរជាងភ្លើង នៅការដ្ឋានមួយកន្លែង ក្នុងសង្កាត់ផ្សារចាស់ ខណ្ឌដូនពេញ រាជធានីភ្នំពេញ។ ដោយជិះម៉ូតូមួយគ្រឿងម៉ាកស្គុតពី ពណ៌ខ្មៅ ពាក់ស្លាកលេខ ភ្នំពេញ1HR.7820.។
បើតាមប្រភព ពីកន្លែងកើតហេតុ បានឲ្យដឹងថា ដំបូងឡើយគេឃើញបុរសម្នាក់ បានដឹកកូនពីរនាក់ ដោយកូនស្រីដាក់ពីមុខ កូនប្រុសឱបចង្កេះពីខាងក្រោយ ជិះតាមបណ្ដោយផ្លូវ៣៧១ ទិសដៅពីលិចមកកើត ក្នុងល្បឿនលឿនល្មម ខណៈមកដល់ចំណុចកើតហេតុខាងលើ ក៏ស្រាប់តែអកហ្សឺ ជាមួយនឹងរថយន្តកុងតឺន័រ ដែលបើកស្របទិសគ្នា ក៏ចាប់ហ្រ្វ័ង បណ្ដាលឲ្យដួលខ្ទាតកូនស្រី ដែលនៅខាងមុខអាយុ២ខួប ចូលទៅនឹងក្រោមកង់កណ្ដាល រថយន្តកិន បែកក្បាលចេញខួរស្លាប់ភ្លាមៗ នៅនឹងកន្លែងកើតហេតុ។ ចំណែកឯកូនបង នឹងឪពុករងរបួសស្រាល ភ្លាមៗគេឃើញរថយន្តកុងតឺន័របើក ចេញពីកន្លែងកើតហេតុបាត់ស្រមោល។
តាមសម្ដីរៀបរាប់របស់ឪពុក បានប្រាប់ឲ្យដឹងថា ដោយសារតែឪពុករបស់គាត់ នឹកចៅពេករូបគាត់ ក៏បានដឹកកូនទាំងពីរនាក់ទៅលេង ក្រោយពីរលេង ហើយគាត់ក៏ដឹកកូនទាំងពីរនាក់ ត្រឡប់ទៅផ្ទះវិញ តែកម្មអកុសលបានជួបគ្រោះថ្នាក់ចរាចរណ៍ បែបនេះ។ ក្រោយពីកើតហេតុ សមត្ថកិច្ចជំនាញ ចុះមកដល់កន្លែងកើតហេតុ ហើយក៏ធ្វើកំណត់ហេតុ ប្រគល់សពឲ្យទៅឪពុកម្តាយដឹក តាមម៉ូតូយកទៅធ្វើបុណ្យតាមប្រពៃណី៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?