Connect with us

ចរាចរណ៍

បុរសជាម្ចាស់ម៉ូតូរបួសធ្ងន់ ខណៈរថយន្តខ្នាតធំ បុកពេញទំហឹង លើកំណាត់ផ្លូវជាតិលេខ៣៣

បានផុស

នៅ

បុរសម្នាក់ រងរបួសធ្ងន់សល់តែដង្ហើមចង្រិត ខណៈពេលកំពុងជិះម៉ូតូពេលកំពុងភ្លៀង ស្រាប់តែត្រូវរថយន្តធុនធ្ងន់បុកចំពីមុខពេញទំហឹងតែម្តង។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​គ្រោះថ្នាក់​នេះ​ បាន​កើតឡើង​នៅវេលា​ម៉ោង​៦​និង​៣០​នាទី​ព្រឹក ថ្ងៃទី​០៩ ខែកញ្ញា ឆ្នាំ​២០២១ ត្រង់ចំណុច​ខាងលិច​ស្នាក់ការ​គណបក្ស​ប្រជាជន ​ឃុំ​កំពង់ត្រាច​ខាងលិច ស្ថិតក្នុង​ភូមិ​ភ្នំ​សាឡី ឃុំ​កំពង់ត្រាច​ខាងលិច ស្រុក​កំពង់ត្រាច ខេត្តកំពត លើ​កំណាត់​ផ្លូវជាតិ​លេខ​៣៣​។​

​តាម​ប្រភពព័ត៌មាន​ នៅ​កន្លែងកើតហេតុ​បានឱ្យដឹងថា ជនរងគ្រោះ មានឈ្មោះ ព្រំ ចេ​ន ភេទ​ប្រុស អាយុ​៥៣​ឆ្នាំ រស់នៅ​ភូមិឃុំកើតហេតុ​ខាងលើ​។ ​ដោយ​មុនពេល​ហេតុការណ៍​នេះ គេ​ឃើញ​បុរសរងគ្រោះ​ បាន​ជិះ​ម៉ូតូ​ម្នាក់ឯង​ម៉ាក​សេ​១២៥ ពណ៌​ខ្មៅ ផលិត​ឆ្នាំ​២០១៩ ពាក់​ស្លាក​លេខ កំពត 10-1662 បំណង​ទៅ​ទិញ​ស្មៅ​ឱ្យ​គោ​ស៊ី នៅ​ផ្សារ​កំពង់ត្រាច ដែលមាន​ទិសដៅ​ពី​លិចទៅ​កើត លុះ​ធ្វើដំណើរ​មកដល់​ចំណុចកើតហេតុ គាប់​ជួន​មាន​ភ្លៀង​ធ្លាក់​ផង ស្រាប់​តែមាន​រថយន្ត​ខ្នាត​ធំ​១​គ្រឿង​ បោះពួយ​វា​ជែង​រថយន្ត​ដឹក​កម្មករ​រោងចក្រ ក្នុងទិសដៅ​ពី​កើ​តទៅ​លិច​(​បញ្ច្រាស​គ្នា​)​ក្នុង​ល្បឿន​លឿន ហើយ​រថយន្ត​បង្ក​បាន​ជ្រុល​ទៅបុក​ម៉ូតូ​ចំ​ពីមុខ​ទាំង​កំរោល បណ្តាលឱ្យ​អ្នកជិះ​ម៉ូតូ​រងរបួស​ធ្ងន់ធ្ងរ​ សល់​តែ​ដង្ហើមចង្រិត ​រួចហើយ​អ្នកបើកបរ​រថយន្ត​បង្ក​បាន​គេចខ្លួនបាត់​តែម្តង​។​

​ក្រោយពី​កើតហេតុ សមត្ថកិច្ច​ជំនាញ​បានមក​អន្តរាគមន៍ ដោយ​ហៅ​រថយន្ត​មក​ដឹក​ជនរងគ្រោះ​ទៅ​សង្គ្រោះ​នៅឯ​មន្ទីរពេទ្យ​ភ្លាមៗ និង​នាំយក​មធ្យោបាយ​ពាក់ព័ន្ធ​ទៅ​រក្សាទុក​នៅ​អធិការដ្ឋាន​នគរបាល​ស្រុក​កំពង់ត្រាច សម្រាប់​ដោះស្រាយ​គ្នា​នៅពេល​ក្រោយ​៕

អត្ថបទ៖ សេង ណា​រិ​ទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៤ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៥ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម