រថយន្តពាក់ស្លាកលេខ ខេមរភូមិន្ទ បុករបាំងថ្មពុះចែកទ្រូងផ្លូវ ក្រឡាប់ផ្ងារជេីង

បុរសម្នាក់សង្ស័យស្រវឹង បេីកបររថយន្តក្នុងល្បឿនលឿនរេចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្តាលឱ្យរថយន្តក្រឡាប់ផ្ងារជេីង សំណាងមិនមានអ្នករងរបួស។

ហេតុការណ៍ នេះបានកេីតឡេីងកាលពីវេលាម៉ោង១ និង៣០នាទី រំលងអធ្រាត្រ ឈានចូលថ្ងៃទី២៦ ខែតុលា ឆ្នាំ២០២១ នៅស្តុបចេនឡា តាមបណ្តោយផ្លូវលេខ២១៧ ក្នុងសង្កាត់បឹងសាឡាង ខណ្ឌទួលគោក រាជធានី ភ្នំពេញ។

តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកកាមរីហាយប្រ៊ីត ពណ៌ទឹកប្រាក់ ពាក់ស្លាកលេខ ខេមរភូមិន្ទ​ 02 2-6357 បេីកបរដោយបុរសម្នាក់សង្ស័យស្រវឹង ធ្វេីដំណេីរតាមបណ្តោយផ្លូវម៉ៅសេទុង ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុក៏បួងចង្កូតឡេីងទៅទិសខាងលិចតាមបណ្តោយផ្លូវលេខ២១៧ ក្នុងល្បឿនលឿន ក៏បានរេចង្កូតជ្រុលបុករបាំងថ្មពុះចែកទ្រូងផ្លូវពេញទំហឹងបណ្តាលឱ្យរថយន្តបង្កក្រឡាប់ផ្ងារជេីង តែសំណាងមិនមានមនុស្សរងរបួស។

ភ្លាមនោះមានមានបងប្អូនប្រជាពលរដ្ឋជួយរុញរថយន្តយកទៅដាក់នៅចិញ្ចើមផ្លូវវិញ ដើម្បីកុំឱ្យស្ទះចរាចរណ៍។

ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុ និងទាក់ទងទៅជំនាញការិយាល័យចរាចរណ៍ជេីងគោកនៃស្នងការនគរបាលរាជធានីភ្នំពេញមកស្ទូចរថយន្តបង្កទៅរក្សាទុក រង់ចាំដោះស្រាយតាមច្បាប់៕

អត្ថបទ៖ សុខា