ចរាចរណ៍

បើករថយន្តបំពានភ្លើងស្តុប បុករថយន្ដមួយគ្រឿងនិងបន្តបុកចូលផ្ទះពលរដ្ឋពីរល្វែង

បានផុស

៥ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

បុរសម្នាក់បើករថយន្តកូរ៉េក្នុងល្បឿនលឿនទាំងមេឃកំពុងធ្លាក់ភ្លៀង និងបំពានភ្លើងស្តុបក៏ជ្រុលបុករថយន្តម៉ាកTRITONដែលបើកឆ្លងផ្លូវចំពីចំហៀងពេញទំហឹង ហើយរថយន្តបង្កបានរេចង្កូតទៅបុកចូលផ្ទះប្រជាពលរដ្ឋ២ល្វែង និងម៉ូតូមួយគ្រឿងទៀតរងការខូចខាតយ៉ាងដំណំ និងធ្វើឱ្យបុរសម្នាក់រងរបួស។

ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង៩និង១០នាទីយប់ ថ្ងៃទី១១ ខែវិច្ឆិកា ឆ្នាំ២០២១ នៅចំណុចស្តុបផ្សារថ្នល់បត់ តាមបណ្តោយផ្លូវលេខ២១៧ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញរថយន្តម៉ាកTRITON របស់មន្ត្រីអគ្គិសនី ពណ៌ស ពាក់ស្លាកលេខរដ្ឋ13 2.1229 ធ្វើដំណើរតាមបណ្តោយផ្លូវបេតុងក្នុងទិសដៅពីកើតទៅលិចហើយបានឆ្លងផ្លូវលេខ២១៧ ខណៈមកដល់ចំណុចពាក់កណ្តាលផ្លូវស្រាប់តែមានរថយន្តកូរ៉េពណ៌ស ពាក់ស្លាកលេខភ្នំពេញ2H 0793 បើកបរដោយបុរសម្នាក់ធ្វើដំណើរតាមបណ្តោយផ្លូវលេខ២១៧ ក្នុងទិសដៅពីត្បូងទៅជើងក្នុងល្បឿនលឿនទាំងស្តុបលោតភ្លើងក្រហម ហើយជ្រុលបុករថយន្តTRITON ចំពីចំហៀងផ្នែកខាងក្រោយពេញទំហឹងបណ្តាលឱ្យរងការខូចខាត ភ្លាមនោះរថយន្តបង្កនៅមិនទាន់អស់ល្បឿនក៏រេចង្កូតទៅខាងស្តាំដៃជ្រុលទៅបុកចូលផ្ទះប្រជាពលរដ្ឋចំនួន២ល្វែងនិងម៉ូតូមួយគ្រឿងថែមទៀតបណ្តាលឱ្យរងការខូចខាតយ៉ាងដំណំ និងធ្វើឱ្យបុរសម្នាក់រងរបួសស្រាល។

ក្រោយកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុឃាត់ម្ចាស់រថយន្តបង្កនិងធ្វើការវាស់វែងយករថយន្តទៅរក្សាទុករងចាំដោះស្រាយពេលក្រោយ៕

អត្ថបទ៖ សុខា

Related Topics:

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា