ចរាចរណ៍
បុណ្យអុំទូក ៣ថ្ងៃ មានមនុស្ស ២២នាក់បានស្លាប់ និង៤៤នាក់ រងរបួស ដោយសារគ្រោះថ្នាក់ចរាចរណ៍
ក្នុងរយៈពេល ៣ថ្ងៃ នៃព្រះរាជពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ ចាប់ពីថ្ងៃទី ១៨ ដល់២០ ខែវិច្ឆិកា ឆ្នាំ២០២១ មានមនុស្ស ២២នាក់បានស្លាប់ និង៤៤នាក់ផ្សេងទៀត បានរងរបួសធ្ងន់ធ្ងរស្រាល ក្នុងករណីគ្រោះថ្នាក់ចរាចរណ៍ ទូទាំងប្រទេស។
យោងតាមគេហទំព័រ របស់អគ្គស្នងការដ្ឋាន នគរបាលជាតិ បានឲ្យដឹងថា ក្នុងចំណោមអ្នកស្លាប់និងរបួសទាំងនោះ រួមមាន៖ បុណ្យអុំទូកថ្ងៃទី ១ មានមនុស្ស ៤នាក់ស្លាប់ និងរបួស ១២នាក់។ គ្រោះថ្នាក់ចរាចរណ៍ទាំងនេះ បានកើតនៅរាជធានី-ខេត្ត ចំនួន ៧រួមមាន៖ រាជធានីភ្នំពេញ ខេត្តកំពង់ធំ ខេត្តកណ្តាល ខេត្តពោធិ៍សាត់ ព្រះសីហនុ ត្បូងឃ្មុំ និងខេត្តតាកែវ។
បុណ្យអុំទូកថ្ងៃទី ២ មានមនុស្សចំនួន ៦នាក់បានស្លាប់ និងរបួស ៨នាក់ នៅក្នុងគ្រោះថ្នាក់ចរាចរណ៍។ គ្រោះថ្នាក់ចរាចរណ៍ទាំងនេះ បានកើតនៅរាជធានី-ខេត្ត ចំនួន ៦រួមមាន៖ រាជធានីភ្នំពេញ ខេត្តក្រចេះ កណ្តាល កំពង់ចាម ព្រៃវែង និងខេត្តស្វាយរៀង។
ថ្ងៃបុណ្យអុំទូកទី ៣ មានមនុស្សចំនួន ១២នាក់បានស្លាប់ និងរបួសចំនួន ២៤នាក់ ក្នុងនោះរបួសធ្ងន់ចំនួន ១៦នាក់ និងរបួសស្រាលចំនួន ៨នាក់។ គ្រោះថ្នាក់ចរាចរណ៍ទាំងនេះ បានកើតនៅរាជធានី -ខេត្តចំនួន ១១រួមមាន៖ រាជធានីភ្នំពេញ ខេត្តបន្ទាយមានជ័យ បាត់ដំបង ក្រចេះ កំពង់ស្ពឺ ពោធិ៍សាត់ ស្វាយរៀង និងខេត្តត្បូងឃ្មុំ។
ចំនួនអ្នកស្លាប់ ដោយសារគ្រោះថ្នាក់ចរាចរណ៍ ក្នុងរយៈពេល ៣ថ្ងៃ នៃថ្ងៃឈប់សម្រាកបុណ្យអុំទូកឆ្នាំនេះ បើប្រៀបធៀបនឹងឆ្នាំមុន មានការកើនឡើង ៣នាក់ ខណៈឆ្នាំមុនស្លាប់ ១៩នាក់ ស្មើនឹង១៦ភាគរយ។ ចំណែកចំនួន អ្នករបួសធ្លាក់ចុះ ៩នាក់ ស្មើនឹង ១៧ភាគរយ ខណៈឆ្នាំមុន របួស ៥៣នាក់។
បើតាមអគ្គស្នងការដ្ឋាននគរបាលជាតិ មូលហេតុបណ្តាលឲ្យ មានគ្រោះថ្នាក់ចរាចរណ៍រួមមាន៖ បើកបរល្បឿនលឿន ១៧ករណី, មិនគោរពសិទ្ធិ ៤ករណី, មិនប្រកាន់ស្តាំ ៤ករណី, ប្រជែងគ្រោះថ្នាក់ ៣ករណី, បត់គ្រោះថ្នាក់ ៣ករណី និងស្រវឹង២ករណី៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?