ចរាចរណ៍

បុរសម្នាក់ កំពុងលក់សាច់អាំងតាមរទេះ ត្រូវរថយន្តបើកបុកស្លាប់បាត់បង់ជីវិត

បានផុស

៣ ខែ មុន

នៅ

ថ្ងៃចន្ទ ១៦ ធ្នូ ២០២៤

ដោយ

រថយន្ត ០១ គ្រឿង មិនដឹងម្ចាស់រថយន្តកើតអ្វី បានបើករេចង្កូតទៅបុកបុរសម្នាក់ដែលជាអ្នកលក់សាច់អាំង និង បុកល្ហុង តាមរទេះ ពេញទំហឹង បណ្ដាលឲ្យស្លាប់បាត់បង់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ០៧ យប់ ថ្ងៃទី ១៥ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវ ៦០ ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

ប្រភពព័ត៌មានពីអ្នកនៅក្បែរកន្លែងកើតហេតុបានប្រាប់ឲ្យដឹងថា មុនពេលមានគ្រោះថ្នាក់ បុរសជាអ្នកលក់សាច់អាំង និងបុកល្ហុង តាមរទេះ បាននិងកំពុងអង្គុយលើរទេះម៉ូតូអាំងសាច់។ ខណៈនោះ ក៏ស្រាប់តែមានរថយន្ត ០១ គ្រឿង ម៉ាក តូយូតា Fortuner ពាក់ស្លាកលេខ កណ្ដាល 2B-7966 មិនដឹងថាម្ចាស់រថយន្តកើតអ្វីនោះទេ បានបើករេចង្កូតបុករទេះ ទាំងមនុស្សពេញទំហឹង បណ្តាលឲ្យស្លាប់តែម្ដង។ ចំណែករថយន្តបង្កបានបើករត់គេចពីគោលដៅកើតហេតុ រហូតសមត្ថកិច្ចស្រាវជ្រាវរកឃើញម្ចាស់រថយន្តបើកយករថយន្តទៅទុកក្នុងផ្ទះ។ ភ្លាមៗ សមត្ថកិច្ចបានឃាត់ខ្លួនយកអ្នកបើករថយន្តទៅកាន់ប៉ុស្តិ៍ ដើម្បីសាកសួរ។

ក្រោយពេលកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង ប្រគល់សពជនរងគ្រោះ និង រទេះ ជូនសាច់ញាតិយកទៅធ្វើបុណ្យតាមប្រពៃណី៕

អត្ថបទ ៖ រដ្ឋា