ថៃ បញ្ជូនរថយន្តផ្ទុកមេក្រូ មកចាក់តម្លង់ពលរដ្ឋខ្មែរនៅភូមិ ព្រៃចាន់

អស់ពីចាក់សំឡេងខ្មោចបន្លាចអ្នកភូមិក្នុងទឹកដីកម្ពុជា ឥឡូវថៃ បន្តធ្វើរឿងគ្មានកេរ្តិ៍ខ្មាសទៀតហើយ ដោយបញ្ជូនរថយន្តផ្ទុកមេក្រូពេញ មកកាន់ភូមិព្រៃចាន់ ដើម្បីចាក់តម្លង់ពលរដ្ឋខ្មែរ ចាប់ពីថ្ងៃទី១៧ដល់១៩ខែតុលាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Khaosod, មេក្រូទាំងនេះនឹងចាក់សំឡេងឯកសារនិងព្រឹត្តិការណ៍ផ្សេងៗទៀតយ៉ាងឮៗ ពីព្រឹកដល់យប់ ដោយសំឡេងដ៏ខ្លាំងរបស់វា អាចបណ្តាលឲ្យបែលក្រដាសត្រចៀកបាន។

នេះគឺជាវិធីសាស្រ្តដ៏ថោកទាបមួយទៀត ដែលមានតែប្រទេសថៃប៉ុណ្ណោះ ទើបរកនឹកឃើញ ហើយវាក៏នឹងត្រូវអន្តរជាតិមើលឃើញដែរថា ជាតិសាសន៍មួយនេះ ពោរពេញដោយគំនិតស្មោកគ្រោក។

មុននេះប្រទេសថៃត្រូវអាម៉ាស់មុខលើឆាកអន្តរជាតិរួចទៅហើយ តាមរយៈការចាក់សំឡេងខ្មោចបន្លាចពលរដ្ឋខ្មែរ ដែលសូម្បីតែថៃគ្នាឯងនោះ ក៏រិះគន់ផងដែរ។

ទង្វើឥតកេរ្តិ៍ខ្មាសនោះ គឺកើតចេញពីខួរក្បាលរបស់សកម្មជនឈ្មោះ Kan Jom Phalang ដែលជាបុគ្គលម្នាក់កំពុងជោរនឹងពាក្យសរសើរពីសំណាក់ក្រុមជ្រុលនិយមវង្វេងប្រវត្តិសាស្រ្ត ទាំងមិនដឹងថា ខ្លួនឯងនោះកំពុងធ្វើឲ្យកេរ្តិ៍ឈ្មោះប្រទេសថៃស្អុយរលួយនិងត្រូវគេសើចចំអក លើពិភពលោក៕

អត្ថបទ៖ សុខ សុវណ្ណ

ចុចអាន៖ ទេសចរ​ឥណ្ឌា​រង​ការ​​វាយ​ដំ​ និង​ប្លន់​ដោយ​ក្រុមស្រ្តីកែ​ភេទ​នៅប៉ាតាយ៉ា ប្រទេសថៃ