ប្រជាជនហ្វីលីពីន៦៥ ម៉ឺននាក់ប្រមូលផ្ដុំគ្នាក្នុងទីក្រុងម៉ានីលតវ៉ាប្រឆាំងអំពើពុករលួយ

មនុស្សប្រហែល ៦៥០,០០០ នាក់បានប្រមូលផ្តុំគ្នានៅក្នុងឧទ្យានធំមួយក្នុងទីក្រុងម៉ានីលកាលពីថ្ងៃអាទិត្យ ដើម្បីតវ៉ាប្រឆាំងនឹងរឿងអាស្រូវពុករលួយដ៏ធំមួយដែលពាក់ព័ន្ធនឹងគម្រោងគ្រប់គ្រងទឹកជំនន់។ នេះបើយោងតាមការចេញផ្សាយរប​ស់ទីភ្នាក់ងារព័ត៌មាន Xinhua​ នៅថ្ងៃទី១៧ខែវិច្ឆិកា។

ក្រុមអ្នកតវ៉ាកំពុងទាមទារឱ្យមានការស៊ើបអង្កេតច្បាស់លាស់ និងស្មោះត្រង់ចំពោះការអះអាងថាមន្ត្រីរដ្ឋាភិបាល អ្នកតាក់តែងច្បាប់ និងអ្នកគ្រប់គ្រងជំនួយមួយចំនួនបានលួចប្រាក់ប៉េសូរាប់ពាន់លានពីគម្រោងសង្គ្រោះទឹកជំនន់ថាជាពិត ឬក្លែងក្លាយ។ មនុស្ស ២,០០០ នាក់ផ្សេងទៀតក៏បានធ្វើបាតុកម្មដាច់ដោយឡែកមួយនៅលើផ្លូវហាយវេក្បែរនោះផងដេរ។

អ្នកតវ៉ាជាច្រើនបាននិយាយថា ពួកគេខឹងសម្បារដោយសារតែប្រាក់បង់ពន្ធរបស់ពួកគេត្រូវបានយកទៅប្រើប្រាស់ដើម្បីសង្គ្រោះទឹកជំនន់។ អ្នកតវ៉ាម្នាក់បាននិយាយថា៖​«គាត់ធុញទ្រាន់នឹងការបង់ពន្ធ ខណៈពេលដែលមន្ត្រីលួចលុយជាតិ»។

ជាការឆ្លើយតប រដ្ឋាភិបាលហ្វីលីពីនបានបញ្ជូនមន្ត្រីប៉ូលិសចំនួន ១៦,០០០ នាក់ដើម្បីរក្សាសន្តិភាពក្នុងការតវ៉ា ។ ចំណែកការិយាល័យទំនាក់ទំនងប្រធានាធិបតីបាននិយាយថា ប្រធានាធិបតី Ferdinand Marcos Jr. កំពុងតាមដានស្ថានការណ៍យ៉ាងដិតដល់។

គួរបញ្ជាក់ថា នេះគឺជាការតវ៉ាប្រឆាំងអំពើពុករលួយចុងក្រោយបង្អស់ដែលបានកើតឡើងនៅទូទាំងប្រទេសហ្វីលីពីនក្នុងរយៈពេលប៉ុន្មានខែថ្មីៗនេះ ខណៈដែលប្រជាជនទាមទារឱ្យមានអភិបាលកិច្ចកាន់តែប្រសើរ និងដំណោះស្រាយពិតប្រាកដចំពោះបញ្ហាទឹកជំនន់៕

អត្ថបទ៖ ប៊ុន សុភាព