សូរ ពេជ្រវលក្ខណ៍ សុំចិត្តអ្នកគាំទ្របោះឆ្នោតឱ្យខ្លួន ដើម្បីកម្ពុជាបានចូលលំដាប់ Top20

ទន្ទឹមគ្នាដល់ថ្ងៃប្រកួតវគ្គផ្តាច់ព្រ័ត្រថ្ងៃទី២៧ ខែវិច្ឆិកា បវរកញ្ញាតំណាងកម្ពុជា សូរ ពេជ្រវលក្ខណ៍ បានសុំចិត្តមហាជននិងអ្នកស្នេហាវិស័យបវរកញ្ញាជួយផ្តល់ការគាំទ្រ និងកម្លាំងចិត្តដែលនាងបាននាំយកទង់ជាតិកម្ពុជា ទៅកាន់ឆាកអន្តរជាតិក្នុងការប្រកួត Miss International 2025។

ការពិតណាស់ ស្របពេលដែលកំពុងមានវត្តមានចូលរួមប្រកួតសម្រស់ នៅប្រទេសជប៉ុន ម្ចាស់មកុដ Miss Cambodia 2025 កញ្ញា សូរ ពេជ្រវលក្ខណ៍ ក៏បានស្នើអ្នកគាំទ្រនៅកម្ពុជារួមដៃគ្នាដើម្បីកម្ពុជាអាចឈានទៅកាន់ Top ក្នុងការឈ្នះ Vote និងមានសិទ្ធអទិភាពជាប់ក្នុងលំដាប់កំពូល Top20។

កញ្ញា សូរ ពេជ្រវលក្ខណ៍ ស្នើឱ្យអ្នកគាំទ្រវិស័យបវរកញ្ញាបន្តសហការគ្នាបន្ថែមទៀត ដើម្បីកម្ពុជាអាចឈានទៅកាន់ Top កំពូលក្នុងការបោះឆ្នោត និងមានសិទ្ធអទិភាពជាប់ក្នុងលំដាប់កំពូល Top20 ដោយស្វ័យប្រវត្តិនៃការប្រកួត បវរកញ្ញាអន្តរជាតិឆ្នាំ២០២៥ លើកទី៦៣ នៅប្រទេសជប៉ុន ។

សូរ ពេជ្រវលក្ខណ៍ ថា “សូមចូលរួមក្នុងការផ្សព្វផ្សាយរកសំឡេងបន្ថែមទៀត ជូនដល់កម្ពុជា ក្នុងខណៈដែលថ្ងៃ Final បានមកដល់។ សុំចិត្តអ្នកគាំទ្ររួមដៃគ្នាដើម្បីខ្ញុំដែលជាអ្នកតំណាងឱ្យកម្ពុជា ដើម្បីមានឱកាសចូលទៅកាន់ Top កំពូលណាមួយនៃការប្រកួត Miss International 2025 នៅប្រទេសជប៉ុន គឺអាស្រ័យពីការរួចចំណែកពីបងប្អូនអ្នកគាំទ្រកម្ពុជាទាំងអស់គ្នា”។

មហាជនអ្នកគាំទ្រ និងអ្នកចូលចិត្តតាមដានវិស័យបវ កញ្ញាបាននិងកំពុងរង់ចាំមើលថា បវរកញ្ញាតំណាងកម្ពុជារូបនេះនឹងអាចឈានចូលទៅកាន់ Top20 នៃ Miss International 2025 បានសម្រេចឬអត់ ជាមួយវគ្គផ្តាច់ព្រ័ត្រនៅថ្ងៃទី២៧ ខែវិច្ឆិកានេះ៕ អត្ថបទ៖ ចាន់រ៉ា