ទោះមិនជាប់ Top បវរកញ្ញាអន្តរជាតិ! ពេជ្រវលក្ខណ៍ បានខំប្រឹងអស់ពីសមត្ថភាពហើយ ខណៈទើបត្រឡប់មកមាតុភូមិវិញ

បវរកញ្ញាតំណាងកម្ពុជា សូរ ពេជ្រវលក្ខណ៍ បានត្រលប់មកដល់មាតុភូមិវិញហើយ នៅល្ងាចថ្ងៃទី ២៩វិច្ឆិកានេះ ក្រោយកម្មវិធីប្រកួតបវរកញ្ញា Miss International Beauty Pageant ដែលរៀបចំធ្វើនៅ Yoyogi National Gymnasium ទីក្រុងតូក្យូ រកឃើញម្ចាស់មកុដកាលពីល្ងាចថ្ងៃទី២៧ ខែវិច្ឆិកា ឆ្នាំ២០២៥។

ជាលទ្ធផល ជ័យលាភីគឺបានទៅបវរកកញ្ញា Catalina Duque ដែលមកពីប្រទេស Colombia ដោយមានបេក្ខនារីមកពីជាង ៨០ប្រទេសចូលរួម ខណៈកម្ពុជាមិនបានបោះជំហានចូល Top 20 បាននោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដ្បិតមិនបានចូល Top តែសាធារណជនដែលជាអ្នកគាំទ្របវរកញ្ញាកម្ពុជារូបនេះ ពិតជាបានមើលឃើញពីការខិតខំប្រឹងប្រែងរបស់កញ្ញា។ តួយ៉ាង ក្នុងការឈានជើងទៅប្រកួតនៅជប៉ុននេះដែរ កញ្ញាក៏ទទួលបានការលើកទឹកចិត្តច្រើនពីអ្នកក្នុងចង្កោមអ្នកសិល្បៈ អនុប្រធានសមាគសិល្បករខ្មែរ ពិសេសការអញ្ជើញចូលរួមលើកទឹកចិត្តដោយផ្ទាល់ពីខាងស្ថានឯកអគ្គរាជទូតកម្ពុជាប្រចាំប្រទេសជប៉ុនផងដែរ។

គួរជម្រាបដែរថា ស្ថានឯកអគ្គរាជទូតកម្ពុជាប្រចាំប្រទេសជប៉ុន ក៏បានចូលរួមក្នុងកម្មវិធី «The 63rd Miss International Beauty Pageant in Tokyo» ដែលរៀបចំធ្វើនៅ Yoyogi National Gymnasium នៃទីក្រុងតូក្យូ កាលពីល្ងាចថ្ងៃទី២៧ ខែវិច្ឆិកា ឆ្នាំ២០២៥ តបតាមការអញ្ជើញរបស់លោក AKEMI SHIMOMURA ប្រធានសមាគមវប្បធម៌អន្តរជាតិ។

ក្នុងនោះ លោក ស៊ីន សារ៉ាយ អនុព័ន្ធពាណិជ្ជកម្ម និងលោកស្រី អ៊ុន ពិសី លេខាធិការទី២ នៃស្ថានទូតកម្ពុជាប្រចាំប្រទេសជប៉ុន បានតំណាងស្ថានទូត អញ្ជើញចូលរួមក្នុងកម្មវិធី «The 63rd Miss International Beauty Pageant in Tokyo» ដើម្បីលើកទឹកចិត្តដល់កញ្ញា សូរ ពេជ្រវលក្ខណ៍ ដែលតំណាងកម្ពុជា ចូលរួមនៅកម្មវិធីប្រកួតខាងលើ៕