ព័ត៌មានជាតិ

សមិទ្ធផលស្ពានបេតុងថ្មីភ្ជាប់ខណ្ឌឫស្សីកែវ-សែនសុខ បានលាងសម្អាត និងរៀបចំបន្ថែម បម្រើសេវាសាធារណៈ

បានផុស

៦ ខែ មុន

នៅ

ថ្ងៃសុក្រ ៥ ធ្នូ ២០២៥

ដោយ

សមិទ្ធផលស្ពានបេតុងថ្មី ភ្ជាប់ខណ្ឌឫស្សីកែវ និងខណ្ឌសែនសុខ ត្រូវបានលាងសម្អាត ឈូសដី ផ្លូវ តាមបណ្ដោយផ្លូវ ៣៣០ សង្កាត់ស្វាយប៉ាក ដែលជាផ្លូវវាងថ្មីកាត់ពីផ្លូវ ១៣០០ ឆ្ពោះទៅកាន់ផ្លូវ ៥៩៨ ងាយស្រួលធ្វើដំណើរ កាត់បន្ថយការកកស្ទះចរាចរណ៍ចូលរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គន់ សោភា ប្រធានការិយាល័យសាធារណការខណ្ឌ អមដំណើរ លោក ជិន ប៊ុនធឿន អភិបាលខណ្ឌឫស្សីកែវ បានឱ្យដឹងថា សកម្មភាពនេះ កាលពីថ្ងៃទី ៤ ខែធ្នូ ឆ្នាំ ២០២៥ ក្នុងនោះ លោកអភិបាល បានបញ្ជាក្រុមការងាររបស់រដ្ឋបាលខណ្ឌ ឈូសដី បាញ់ទឹក និងសម្អាតកាកសំណល់តាមគែមផ្លូវ ដើម្បីធានាថាផ្លូវថ្មី ស្ពានថ្មី មានភាពស្អាត និងសុវត្ថិភាពសម្រាប់អ្នកធ្វើដំណើរ។

លោកបានបន្ថែមថា ផ្លូវ និងស្ពានបេតុងថ្មីនេះ ក៏មានបំពាក់ភ្លើងបំភ្លឺផ្លូវគ្រប់គ្រាន់ ហើយផ្លូវមួយខ្សែនេះ ត្រូវបានសាងសង់ឡើងដើម្បីឱ្យមានភាពងាយស្រួលក្នុងការធ្វើដំណើរ និងកាត់បន្ថយបញ្ហាកកស្ទះចរាចរណ៍រវាងតំបន់ជាយក្រុងចូលមកកាន់រាជធានីភ្នំពេញ។

លោក គង់ សុផល អ្នកលក់ដូរតាមរទេះនៅទីនោះ បានលើកពីចំណាប់អារម្មណ៍ថា លោកពិតជាសាទរដល់រដ្ឋបាលខណ្ឌដែលខិតខំដើម្បីប្រជាពលរដ្ឋ ហើយពេលនេះផ្លូវស្អាត មានស្ពានថ្មីទៀត ធ្វើដំណើររលូនជាងមុនខ្លាំង។ ជាពិសេស ស្ពានថ្មី នឹងជួយឱ្យមានអ្នកធ្វើដំណើរច្រើនជាងមុន ការលក់ដូរ ក៏ងាយជាងមុន។

ជាមួយនេះ លោក ជិន ប៊ុនធឿន ក៏បានបញ្ជាឱ្យដាក់គ្រឿងចក្រយកចេញនូវដើមឈើងាប់ធំៗ ជាច្រើនដើម ដែលគេយកប្លុងចោលនៅដីឡូត៍មួយកន្លែង ដើម្បីមានវិធានការបន្តផងដែរ៕

អត្ថបទ ៖ សំណាង

Related Topics:ខណ្ឌសែនសុខ ខណ្ឌឫស្សីកែវ ស្ពានបេតុង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា