ព័ត៌មានជាតិ
អគ្គនាយកស៊ីម៉ាក់អរគុណលោកប្រធានាធិបតីដូណាល់ត្រាំដែលបញ្ជាក់ពីការពិតលើបញ្ហាសៀមជាន់មីនកន្លងទៅ
អគ្គនាយកមជ្ឃមណ្ឌលសកម្មភាពកម្ចាត់មីនកម្ពុជា លោក ហេង រតនា បានអរគុណប្រធានាធិបតីអាមេរិកលោក ដូណាល់ ត្រាំ ដែលបានបញ្ជាក់ការពិតលើបញ្ហាទាហានសៀមជាន់មីនកន្លងទៅ ដែលលោកថា គឺជា ឧបទ្ទវហេតុ ខណៈដែលថៃបានឆ្លើយតបវិញថាមិនអាចទទួលយកបាន។
លោក ហេង រតនា បានសរសេរលើហ្វេសបុកផេករបស់លោកនៅថ្ងៃទី១៤ ខែធ្នូនេះថា បញ្ហាផ្ទុះមីនដែលថៃលាបព័ណ៌កម្ពុជាកន្លងទៅគ្រាន់តែជាយុទ្ធសាស្ត្រ និងឧបាយកលប្រើកម្លាំងធ្វើសង្គ្រាមឈ្លានពានកម្ពុជា និងសំដែងក្លែងខ្លួនជាតួអង្គជាអ្នកគោរពច្បាប់អន្តរជាតិល្អប៉ុណ្ណោះ។
លោកបានសរសេរថា៖ «ក្នុងនាមប្រជាពលរដ្ឋខ្មែរមួយរូបខ្ញុំសូមសំដែងនូវអំណរគុណឯ.ឧប្រធានាធិបតីDonald J. Trump ដែលបានខិតខំលះបង់និងជំរុញឱ្យមានការគោរពដល់ស្មារតីសន្តិភាពដែលមានស្រាប់! ជាមួយនេះឯ.ឧប្រធានាធបតី ក៏បានបញ្ជាក់កាពិតខ្លីពីបញ្ហាគ្រោះថ្នាក់មីនរបស់ទាហានសៀមនានាកន្លងមកជា”ឧបទ្ទេវហេតុ”»។
លោកថាថៃដែលតែងតែធ្វើខ្លួនជាអ្នកគោរពច្បាប់អន្តរជាតិតែ បានបំពានអនុសញ្ញាជាច្រើនដូចជា អនុសញ្ញាការហាមឃាត់ប្រេីប្រាស់អាវុធគីមី អនុសញ្ញាការហាមឃាត់ប្រេីប្រាស់គ្រាប់បែកចង្កោម សន្ធិសញ្ញា/អនុសញ្ញាស្តីពីការកំណត់ព្រំដែនកម្ពុជា-សៀម និងអនុសញ្ញាអន្តរជាតិស្តីពីសិទ្ធិមនុស្ស ការការពារជនសុីវិលពេលមានសង្គ្រាមជាដេីម។ ចុងក្រោយនេះ មេដឹកនាំគ្មានសភាសៀមនេះ មិនស្តាប់តាមស្មារតីអំពាវនាវឱ្យមានសន្តិភាពរបស់អន្តរជាតិណាឡេីយ។
លោកសរសេរបន្ថែមថា៖ «ហេីយអ្វីដែលពួកចោរឈ្លានពានបែរជាអាចទទួលបាន “ចំពោះការសម្លាប់ជនកម្ពុជាមិនរេីសមុខរួមមានទារក ក្មេងៗ ប្រជាជន និងអាចារ្យវត្តជាដេីម»។
បើទោះបីជាបាននិយាយទូរស័ព្ទជាមួយប្រធានាធិបតីអាមេរិកលោក ដូណាល់ ត្រាំ កាលពីយប់ថ្ងៃទី១៣ ខែធ្នូ ដើម្បីឱ្យមានការអនុវត្តន៍កិច្ចព្រមព្រៀងសន្ដិភាពជាថ្មីក្ដី ក៏ថៃនៅតែបន្តបាញ់ប្រហារ ទម្លាក់គ្រាប់បែក មកលើទឹកដីកម្ពុជាដដែលរហូតដល់ថ្ងៃទី១៤ ខែធ្នូនេះ។ នាយករដ្ឋមន្ត្រីចាំផ្ទះថៃ អនុទីន បានសរសរលើហ្វេសបុករបស់ខ្លួនកាលពីព្រឹកថ្ងៃទី១៣ ខែធ្នូថា ថៃនឹងបន្តសកម្មភាពយោធាលើកម្ពុជារហូតដល់ពេលដែលមានអារម្មណ៍ថាគ្មានការគំរាមកំហែងទឹកដី និងប្រជាជនថៃ។ បន្ថែមលើនេះសារព័ត៌មានថៃក៏បានដកស្រង់សំដីរបស់នាយករដ្ឋមន្ត្រីនេះមកចុះផ្សាយផងដែរថា «ពេលនេះថៃមិនត្រូវការស្ដាប់អ្នកណាទាំងអស់ទៀតហើយ»៕
អត្ថបទដោយ ហ៊ុន សិរីវឌ្ឍន៍
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ