ព័ត៌មានជាតិ

សម្តេច ម៉ែន សំអន អំពាវនាវពលរដ្ឋទាំងអស់ ត្រូវប្រែក្លាយពីការឈឺចាប់ នៃសង្គ្រាម ទៅជាការសាមគ្គីគ្នា ការឯកភាពជាតិទាំងមូល ជឿជាក់វីរកងទ័ព និងថ្នាក់ដឹកនាំ

បានផុស

៦ ខែ មុន

នៅ

ថ្ងៃចន្ទ ២៩ ធ្នូ ២០២៥

ដោយ

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ប្រធានសមាគមនារីកម្ពុជាដើម្បីសន្តិភាព និងការអភិវឌ្ឍ និងជាប្រធានក្រុមប្រឹក្សាជាតិរណសិរ្សសាមគ្គី និងអភិវឌ្ឍន៍មាតុភូមិកម្ពុជា បានថ្លែងនូវការអំពាវនាវដល់ពលរដ្ឋទាំងអស់ ត្រូវប្រែក្លាយពីការឈឺចាប់នៃសង្គ្រាម ឲ្យក្លាយទៅជាការសាមគ្គីគ្នា ការឯកភាពជាតិទាំងមូល និងបន្ដជឿជាក់លើវីរកងទ័ពជួរមុខដ៏អង់អាចក្លាហាន និងគាំទ្រ ព្រមទាំងជឿជាក់លើ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងថ្នាក់ដឹកនាំកំពូលៗ ជាច្រើនរូបទៀត ក្នុងការការពារបូរណភាពទឹកដី បញ្ចៀសបាននូវសង្គ្រាម និងការវិលត្រលប់ទៅរកបទឈប់បាញ់នាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះ ក្នុងពេលអញ្ជើញជួបសំណេះសំណាល និងចែកអំណោយជូនជនភៀសសឹក និងគ្រួសារកងទ័ពជួរមុខចំនួន ៥០៨គ្រួសារ នៅខេត្តពោធិ៍សាត់ កាលពីព្រឹកថ្ងៃទី២៧ ខែធ្នូ ឆ្នាំ២០២៥។

សម្តេចកិត្តិសង្គហបណ្ឌិត ក៏បានពាំនាំសេចក្ដីផ្ដាំផ្ញើសួរសុខទុក្ខ និងក្ដីនឹករលឹកពីសំណាក់ សម្ដេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនចំពោះពលរដ្ឋទាំងអស់ ដោយសេចក្តីនឹករលឹក និងការគិតគូរអំពីសុខទុក្ខរបស់ប្រជាពលរដ្ឋនៅគ្រប់ទីកន្លែង និងសូមជូនពរឲ្យជួបតែសេចក្ដីសុខចម្រើន និងជោគជ័យគ្រប់ភារកិច្ច។

សម្តេចកិត្តិសង្គហបណ្ឌិត ក៏បានថ្លែងអំណរគុណដល់ លោក ខូយ រីដា អភិបាល នៃគណៈអភិបាលខេត្តពោធិ៍សាត់ អ្នកឧកញ៉ា គៀន ស្រីនៀង ទ្រីភាព ‚ មហាសទ្ធានុរ័កសិរី បណ្ឌិត ប៊ុន ហៀង និងអមរានុភ័ទ្ទសិរី កៅ វីណៈ លោកអ្នកឧកញ៉ា លាង ឃុន និងលោកជំទាវ ‚ អ្នកឧកញ៉ា យី រដ្ឋា និងលោក ប៊ុន តារា ក៏ដូចជាបណ្តាក្រុមហ៊ុន បណ្ដាសប្បុរសជន ប្រជាជន ដែលបានចូលរួមបរិច្ចាគធនធានមានទាំងសម្ភារៈ និងថវិកា ដើម្បីរួមចំណែកជួយគាំទ្រដល់សមរភូមិជួរមុខ តាមរយៈ ការជួយដល់ក្រុមគ្រួសារកងទ័ព និងក្រុមគ្រួសារដែលកំពុងភៀសសឹក ដើម្បីលើកទឹកចិត្ដដល់កងកម្លាំងប្រដាប់អាវុធត្រៀមប្រយុទ្ធយ៉ាងអង់អាចក្លាហានដែលកំពុងឈរជើងបំពេញភារកិច្ចដ៏ឧត្តមការពារបូរណភាពទឹកដីឲ្យកាន់តែមានកម្លាំងចិត្ត និងភាពកក់ក្ដៅថែមទៀត ក៏ដូចជាបង្ហាញពីការដឹងគុណចំពោះវីរកងទ័ពជួរមុខដ៏អង់អាចក្លាហាន ដែលយើងទាំងអស់គ្នាជាប្រជាជននៅជួរក្រោយរួមគ្នាគាំទ្រដល់កងទ័ពជួរមុខ។

សម្តេចកិត្តិសង្គហបណ្ឌិត បានអំពាវនាវដល់ពលរដ្ឋទាំងអស់ ត្រូវប្រែក្លាយពីការឈឺចាប់នៃសង្គ្រាម ឲ្យក្លាយទៅជាការសាមគ្គីគ្នា ការឯកភាពជាតិទាំងមូល និងបន្ដជឿជាក់លើវីរកងទ័ពជួរមុខដ៏អង់អាចក្លាហាន និងគាំទ្រ ព្រមទាំងជឿជាក់លើ សម្តេចអគ្គមហាសេនាបតីតេជោ ហ៊ុន សែន និង សម្តេចមហាបវរធិបតី ហ៊ុន ម៉ាណែត និងថ្នាក់ដឹកនាំកំពូលៗ ជាច្រើនរូបទៀត ក្នុងការការពារបូរណភាពទឹកដី បញ្ចៀសបាននូវសង្គ្រាម និងការវិលត្រលប់ទៅរកបទឈប់បាញ់នាពេលខាងមុខនេះ។

អំណោយសម្រាប់អ្នកចូលរួមកម្មវិធីថ្ងៃចំនួន ៥០៨គ្រួសារ ក្នុងមួយគ្រួសារទទួលបាន មី ៥កញ្ចប់‚ ទឹកត្រី ១ដប ‚ ទឹកស៊ីអ៊ីវ ១ដប ‚ ត្រីខ ១កំប៉ុង ‚ ឆៃប៉ូវ ១កញ្ចប់ ‚ ទឹកសុទ្ធ ១កេស ‚ អង្ករ ២០គីឡូក្រាម ‚ សាប៊ូលាងចាន ១ដប ‚ សាប៊ូបោកខោអាវ ១គីឡូក្រាម ‚ ប្រហុក ១គីឡូក្រាម ‚ អាវរងា ឬភួយ ‚ វីតាមីនកូនក្មេង ១កញ្ចប់ ថវិកាមួយចំនួន៕

អត្ថបទ ៖ វិមាន

Related Topics:សម្តេច ម៉ែន សំអន