ព័ត៌មានជាតិ

លទ្ធផលចេញហើយ បិទផ្សារកណ្តាល តេស្តអាជីវករទាំងយប់ឆ្លងជិត ៥០ នាក់

បានផុស

៤ years មុន

នៅ

ថ្ងៃអង្គារ ២០ មេសា ២០២១

ដោយ

ផ្សារកណ្តាលដែលស្ថិតនៅក្នុងខណ្ឌដូនពេញ ដែលអាជ្ញាធរប្រកាសបិទជាបណ្តោះអាសន្នកាលពីម្សិលមិញក្រោយសង្ស័យមានអ្នកឆ្លងកូវីដ១៩ ត្រូវបានក្រុមគ្រូពេទ្យស្ម័គ្រចិត្តយុវជនសម្តេចតេជោ ដឹកនាំក្រុមការងារធ្វើតេស្តលើអាជីវករនិងពលរដ្ឋចេញចូលផ្សារទាំំងយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមម៉ោង ១១ យប់មិញនេះ រកឃើញអ្នកឆ្លង ៤៨ នាក់ក្នុងចំណោម ៤២៣ នាក់។

ផ្សារកណ្តាលដែលមានទីតាំងមិនឆ្ងាយពីផ្សារចាស់ ជាកន្លែងផ្ទុះឆ្លងថ្មីទៀតខណៈរាជធានីភ្នំពេញបានជួបរលកវាយប្រហារយ៉ាងធ្ងន់ធ្ងរពីជំងឺកូវីដក្នុងព្រឹត្តិការណ៍ ២០ កុម្ភៈ។

គួរបញ្ជាក់ថា កាលពីយប់ថ្ងៃទី១៩ ខែមេសា ឆ្នាំ២០២១ នេះ ក្រុមគ្រូពេទ្យសម្តេចតេជោប្រឆាំងកូវីដ-១៩ បានរួមសហការជាមួយវិទ្យាស្ថានជាតិសុខភាពសាធារណ: និងក្រសួងសុខាភិបាល បានចុះយកសំណាកអាជីវករនៅផ្សារកណ្តាល ក្រោយសង្ស័យមានអាជីវករ និងពលរដ្ឋចេញចូលផ្សារបានឆ្លងកូវីដ ១៩។ ការចុះធ្វើការងារភ្លាមៗ ដើម្បីទប់ស្កាត់ទាន់ពេលវេលា កុំឲ្យកើតមានការឆ្លងរាលដាលធ្ងន់ធ្ងរដូចករណីអាជីវករនៅផ្សារអូរឫស្សី៕