ព័ត៌មានជាតិ
ធុងសំរាម ១០០ ទៀត ត្រូវបានក្រុមហ៊ុន វឌ្ឍនៈ ប្រគល់ជូនរដ្ឋបាលរាជធានី ដើម្បីយកទៅដាក់នៅតាមមាត់ទន្លេ
ធុងសំរាមចំនួន ១០០ ធុងទៀត ត្រូវបានក្រុមហ៊ុន វឌ្ឍនៈ ប្រគល់ជូនរដ្ឋបាលរាជធានីភ្នំពេញ ដើម្បីយកទៅប្រើប្រាស់ទៅតាមគោលដៅសំខាន់ៗ មួយចំនួន នៅក្នុងរាជធានីភ្នំពេញ ក្រោយពេលដែលក្រុមហ៊ុន Khmer Beverages ក៏បានប្រគល់ជូនរដ្ឋបាលរាជធានីភ្នំពេញចំនួន ៣០០ ធុង ម្តងរួចមកហើយ កាលពីប៉ុន្មានថ្ងៃមុននេះ ដើម្បីរួមគ្នាធ្វើឱ្យរាជធានីភ្នំពេញ មានសោភណភាព អនាម័យ និងបរិស្ថានល្អ។
ពិធីប្រគល់ទទួលអំណោយខាងលើបានធ្វើឡើងកាលពីព្រឹកថ្ងៃទី ១២ ខែមករា ឆ្នាំ ២០២៦ នេះ ក្រោមវត្តមាន លោក ឆាយ វីរៈ និងលោកស្រី តិមា វិច្ឆិកាល អភិបាលរងតំណាង លោក ឃួង ស្រេង អភិបាលរាជធានីភ្នំពេញ និងតំណាងក្រុមហ៊ុន វឌ្ឍនៈ នៅសាលារាជធានីភ្នំពេញ។
តាមការណែនាំពីលោក ឃួង ស្រេង សម្រាប់ធុងសំរាមទាំង ១០០ ធុង នេះ នឹងយកទៅដាក់នៅតាមមាត់ទន្លេ សំដៅធ្វើយ៉ាងណាឱ្យរាជធានីភ្នំពេញដែលជាបេះដូង នៃព្រះរាជាណាចក្រកម្ពុជា មាន សោភណភាព អនាម័យ និងបរិស្ថានល្អ។
ក្នុងឱកាសនោះ លោក ឆាយ វីរៈ ក៏ដូចជាលោកស្រី តិមា វិច្ឆិកាល ក្នុងនាម លោក ឃួង ស្រេង អភិបាលរាជធានីភ្នំពេញ បានថ្លែងនូវការអរគុណយ៉ាងជ្រាលជ្រៅចំពោះ ក្រុមហ៊ុន វឌ្ឍនៈ ដែលបាននាំយកធុងសំរាមមកជូនរដ្ឋបាលរាជធានីភ្នំពេញ ដើម្បីយកទៅដាក់តាមគោលដៅសំខាន់ៗ មួយចំនួននៅក្នុងរាជធានីភ្នំពេញ។
គួរបញ្ជាក់ថា កាលពីរសៀលថ្ងៃទី ៩ ខែមករា ឆ្នាំ ២០១៦ កន្លងមកនេះ ក្រុមហ៊ុន Khmer Beverages ក៏បានប្រគល់ធុងសំរាមចំនួន ៣០០ ធុង ជូនរដ្ឋបាលរាជធានីភ្នំពេញម្តងរួចហើយដែរ ក្នុងគោលបំណងរួមគ្នា ដើម្បីធ្វើឱ្យរាជធានីភ្នំពេញមានអនាម័យ និងបរិស្ថានល្អ៕
អត្ថបទ ៖ ស្រីរ័ត្ន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ