ព័ត៌មានជាតិ

អ្នកធ្លាប់ទៅព្យាបាល ឬសួរសុខទុក្ខអ្នកជំងឺ នៅពេទ្យលោកសង្ឃ ប្រញ៉ាប់ធ្វើតេស្ត

បានផុស

៥ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

អ្នកធ្លាប់ទៅទទួលការព្យាបាល ឬគ្រួសារអ្នកជំងឺ ឬបានទៅសួរសុខទុក្ខអ្នកជំងឺ នៅមន្ទីរពេទ្យព្រះកុសុមៈ(ពេទ្យលោកសង្ឃ) ចន្លោះពីថ្ងៃទី៨ ដល់១៨ ខែមេសា ឆ្នាំ២០២១ ត្រូវដាក់ខ្លួននៅដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានទៅទីតាំងខាងលើនេះ។ នេះបើតាមអនុគណៈកម្មកាស្រាវជ្រាវកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវបែបនេះដោយសារ អ្នកជំងឺកូវីដ១៩ គឺជាបុគ្គលិកធ្វើការនៅទីតាំងខាងលើ និងមានអ្នកជំងឺកូវីដ១៩ បានទៅសួរសុខទុក្ខ អ្នកជំងឺនៅទីតាំងខាងលើនេះ។ ប្រសិនបើ មានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគ កូវីដ១៩ (#COVID-19) ដែលមានទីតាំងនៅ៖

វិទ្យាល័យបាក់ទូក
វិទ្យាល័យបឹងត្របែក
មណ្ឌលសុខភាពចាក់អង្រែក្រោម
មន្ទីរពេទ្យខ្មែរ-សូវៀត
សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
វិហារព្រះយ៉េស៊ូ ច្រមុះជ្រូកស្ទឹងមានជ័យ
ផ្លូវ ឌួងងៀប ជិតរោងចក្រ ឌីនហាន
ដីឡូត៍ ខាងក្រោយផ្សារឯករាជ្យ៣
មណ្ឌលថែទាំជីវិត (ទីតាំងចាក់សំរាមចាស់ ស្ទឹងមានជ័យ)

កាលពីថ្ងៃទី១៧ ខែមេសា ឆ្នាំ២០២១ កន្លងមកនេះយោងតាមរបាយការណ៍របស់រដ្ឋបាលរាជធានីភ្នំពេញបានឲ្យដឹងថា បុគ្គលិកមន្ទីរពេទ្យមិត្តភាពកម្ពុជា ចិនព្រះកុសុមះចំនួន២២ក្នុងនោះស្រី១១នាក់បានឆ្លងជំងឺកូវីដ១៩ ក្នុងចំណោមអ្នកកើតជំងឺកូវីដ១៩ ចំនួន២២៧នាក់នៅរាជធានីភ្នំពេញ។