កីឡា

ខ្សែប្រយុទ្ធ ៣ នាក់ កំពុងនាំមុខ ជាបេក្ខភាពប្រជែងស្បែកជើងមាសទ្វីប អឺរ៉ុប រដូវកាលនេះ

បានផុស

៣ ខែ មុន

នៅ

ថ្ងៃអង្គារ ១០ កុម្ភៈ ២០២៦

ដោយ

ការប្រជែងតំណែងស្បែកជើងមាសទ្វីប អឺរ៉ុប សម្រាប់រដូកាល ២០២៥-២០២៦ កំពុងស្ថិតក្នុងដំណាក់កាលតឹងតែងខ្លាំង ខណៈបច្ចុប្បន្នមានខ្សែប្រយុទ្ធ ៣ នាក់ ត្រូវបានគេមើលឃើញមានភាគរយខ្ពស់ជាងគេ បន្ទាប់ពីរកបានគ្រាប់បាល់ប្រដំប្រសងគ្នានៅចំនួនច្រើនជាងគេ។

កាលពីរដូវកាលមុន ២០២៤-២០២៥ ខ្សែប្រយុទ្ធរបស់ Rea Madrid កីឡាករ Kylian Mbappe បានឈ្នះតំណែងស្បែកជើងមាសនេះ បន្ទាប់ពីរកបានគ្រាប់បាល់ចំនួន ៣១ គ្រាប់ក្នុងក្របខណ្ឌ La Liga។ ដោយឡែកនៅរដូវកាល ២០២៥-២០២៦ ខ្សែប្រយុទ្ធសញ្ជាតិ បារាំង កំពុងស្ថិតក្នុងបេក្ខភាពប្រជែងស្បែកជើងមាសទៀត ជាមួយ Harry Kane និង Erling Haaland។

កីឡាករ Harry Kane ខ្សែប្រយុទ្ធរបស់ Bayern Munich កំពុងឈរលេខ ១ ដោយរកបាន ២៤ គ្រាប់។ ចំណែក Mbappe ឈរនៅលេខ ២ ដោយរកបាន ២៣ គ្រាប់ និង Erling Haaland ខ្សែប្រយុទ្ធរបស់ Manchester City ឈរនៅលេខ ៣ រកបាន ២១ គ្រាប់។

ទោះបីជាយ៉ាងណា ការប្រកួតលីគនីមួយៗក្នុងទ្វីប អឺរ៉ុប គឺនៅសល់រយៈពេលយូរទៀត។ ដូច្នេះនៅមានកីឡាករជាច្រើនទៀត ដែលសុទ្ធតែមានឱកាសប្រជែងតំណែងស្បែកជើងមាសទ្វីប អឺរ៉ុប នេះផងដែរ ដូចជា ខ្សែប្រយុទ្ធរបស់ Bentford កីឡាករ Igor Thiago (រកបាន ១៧ គ្រាប់), ខ្សែប្រយុទ្ធរបស់ Mallorca កីឡាករ Vedat Muriqi (រកបាន ១៥ គ្រាប់) ជាដើម៕