ព័ត៌មានជាតិ

ខេត្តរតនគិរី នឹងមានភ្លៀងធ្លាក់លាយឡំខ្យល់កន្ត្រាក់ ចំនួន ២ ថ្ងៃទៀត

បានផុស

៣ ខែ មុន

នៅ

ថ្ងៃសៅរ៍ ៧ មីនា ២០២៦

ដោយ

ភ្លៀងចាប់ផ្ដើមធ្លាក់នៅល្ងាចថ្ងៃទី ០៦ ខែមីនា ឆ្នាំ ២០២៦ រហូតដល់ថ្ងៃទី ០៨ ខែមីនា ឆ្នាំ ២០២៦។ ការមានភ្លៀងធ្លាក់នេះ នឹងបន្តអូសបន្លាយចំនួន ០២ ថ្ងៃ បន្តទៅមុខទៀត ដែលបណ្ដាលមកពីខេត្តរតនគិរីទទួលរងទ្រនុងសម្ពាធខ្ពស់ បាននិងកំពុងមានឥទ្ធិពលមកលើខេត្តនេះ។ នេះបើយោងតាមការព្យាករណ៍ធាតុអាកាសរបស់មន្ទីរធនធានទឹក និងឧតុនិយមខេត្តភូមិភាគឦសាននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីជូនដំណឹងរបស់មន្ទីរធនធានទឹក និងឧតុនិយមខេត្តរតនគិរី ស្ថានភាពអាកាសធាតុបែបនេះ នឹងធ្វើឲ្យសីតុណ្ហភាពស្ថិតនៅចន្លោះ ពី ២១ °C ទៅ ៣២ °C ខ្យល់បក់មកពីទិសបូព៌ និង មានល្បឿនពី ១ ទៅ ៤ ម៉ែត្រ/វិនាទី ដែលមិនត្រឹមតែមានភ្លៀងធ្លាក់ប៉ុណ្ណោះទេ ក៏លាយឡំជាផ្គររន្ទះ និងខ្យល់ផងដែរ។

ស្ថានភាពជាក់ស្ដែង នៅព្រឹកថ្ងៃទី ០៧ ខែមីនា ឆ្នាំ ២០២៦ នេះ មេឃស្រទំ មុនមានខ្យល់បក់ មេឃមានពពកតិចតួច ព្រះអាទិត្យរះល្អ បញ្ចេញពន្លឺក្តៅខ្លាំងរហូតដល់ថ្ងៃត្រង់។ ចំណែករសៀល ធាតុអាកាសប្រែប្រួល មេឃមានពពកច្រើន មានខ្យល់បក់បោកខ្លាំង រហូតដល់ពេលយប់ នឹងមានភ្លៀងធ្លាក់នៅតាមក្រុងបានលុង និងបណ្ដាស្រុកមួយចំនួនទៀត។

អាកាសធាតុបែបនេះ អាជ្ញាធរ ក៏បានអំពាវនាវដល់ប្រជាពលរដ្ឋរស់នៅខេត្តរតនគិរីទាំងអស់ សូមមេត្តាថែរក្សាអនាម័យ រស់នៅស្អាត និងប្រុងប្រយ័ត្នចំពោះការហូបចុកម្ហូបអាហារ ដើម្បីបង្ការការកើតជំងឺរាករូស និងកើតជំងឺឆ្លងផ្សេងៗ ជាពិសេសត្រូវប្រុងប្រយ័ត្នចំពោះភ្លើងឆេះផ្ទះសម្បែង ឬ ឆេះដីចម្ការ និងខ្យល់កន្ត្រាក់ជាដើម៕

អត្ថបទ ៖ ខៀវ ចាប

Related Topics:ខេត្តរតនគិរី អាកាសធាតុ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា