អាជ្ញាធរក្រុងព្រះវិហារ ចុះកាត់សំយាបសង់រំលោភផ្លូវសាធារណៈនៅជុំវិញផ្សារកំពង់ប្រណាក ដើម្បីលើកសោភ័ណភាព

ព្រះវិហារ ៖ អាជ្ញាធរក្រុងព្រះវិហារ នៅព្រឹកថ្ងៃទី១៦ ខែមីនា ឆ្នាំ២០២៦នេះ បានសហការគ្នាចុះរៀបចំសណ្តាប់ធ្នាប់ជុំវិញបរិវេណផ្សារកំពង់ប្រណាក ឱ្យមានសោភ័ណភាព និងរបៀបរៀបរយល្អ ដើម្បីដោះស្រាយបញ្ហាកកស្ទះ បង្ករលក្ខណៈងាយស្រួលដល់ការទិញ-លក់ និងការធ្វើដំណើររបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ុក ងួន អភិបាលក្រុងព្រះវិហារ បានឱ្យដឹងថា អាជ្ញាធរបានចុះកាត់សំយាបផ្ទះប្រជាពលរដ្ឋមួយចំនួនដែលបានសាងសង់រំលោភមកលើចិញ្ចើមផ្លូវសាធារណៈ។ លោកបន្តថា អាជ្ញាធរអំពាវវនាវក៏ដូចជាណែនាំបន្ថែមទៀតដល់ប្រជាពលរដ្ឋទាំងអស់មេត្តាជួយថែរក្សាបរិស្ថាន អនាម័យ ជាពិសេសជួយថែរក្សាចិញ្ចើមផ្លូវសម្រាប់អ្នកថ្មើរជើងដើរ កុំសង់រំលោភតទៅទៀតដើម្បីសម្រួលចរាចរណ៍។

សូមជម្រាបថា សកម្មភាពនេះ ទទួលបានការសាទរយ៉ាងខ្លាំងពីសំណាក់អាជីវករ ដែលរំពឹងថាភាពស្អាត និងមានរបៀបនេះ នឹងជួយឱ្យមុខរបររបស់ពួកគាត់កាន់តែរីកចម្រើន និងមានបរិស្ថានល្អសម្រាប់អតិថិជនគ្រប់រូបផងដែរ៕

ដោយ៖ ជុន កុសល