ព័ត៌មានអន្ដរជាតិ
វិបត្តិថាមពលជំរុញអតិផរណាហ្វីលីពីនឱ្យហក់ឡើងខ្ពស់ ដោយសារកំណើនថ្លៃប្រេង
អាជ្ញាធរស្ថិតិហ្វីលីពីន (PSA) បានឱ្យដឹងនៅថ្ងៃអង្គារ (៧ មេសា) ថា អត្រាអតិផរណារបស់ប្រទេសហ្វីលីពីនបានកើនឡើងដល់ ៤,១% នៅក្នុងខែមីនា ឆ្នាំ២០២៦ ដោយសារតែកំណើនយ៉ាងឆាប់រហ័សនៃថ្លៃដឹកជញ្ជូន ដែលបណ្ដាលមកពីវិបត្តិថាមពល។ នេះបើតាមការចុះផ្សាយរបស់កាសែត The Philippine Star។
អត្រានេះ គឺហក់ឡើងស្ទើរតែទ្វេដងទៀតនឹងកំណើន ២,៤% នៅខែកុម្ភៈ និងខ្ពស់ជាងអត្រាអតិផរណា ១,៨% នៅខែមីនា ឆ្នាំមុន។
អតិផរណា ៤,១% គឺជាកម្រិតខ្ពស់បំផុតរាប់តាំងពីខែកក្កដា ឆ្នាំ ២០២៤ ដែលកាលនោះ វាហក់ឡើងដោយសារតែកំណើនតម្លៃស្បៀងអាហារ និងខ្ពស់ជាងអត្រាគោលដៅរបស់រដ្ឋាភិបាលចន្លោះពី ២-៤%។
អតិផរណាដឹកជញ្ជូនបានកើនឡើងពី -០,៣% នៅខែកុម្ភៈ ដល់ ៩,៩% ក្នុងខែមីនា ឆ្នាំ២០២៦។ លោក Dennis Mapa ប្រធាន PSA បានលើកឡើងថា បញ្ហានេះបណ្តាលមកពីវិបត្តិប្រេងដោយសារតែសង្គ្រាមនៅមជ្ឈិមបូព៌ា។
ហ្វីលីពីន ដែលប្រកាសពីអាសន្នថាមពលជាតិកាលពី២សប្ដាហ៍មុន ពឹងផ្អែកខ្លាំងលើការនាំចូលប្រេងពីមជ្ឈិមបូព៌ា ដែលធ្វើឱ្យប្រទេសនេះងាយរងគ្រោះ នៅពេលច្រកសមុទ្រហ័រមូហ្សត្រូវបានបិទ។
ឆ្លើយតបនឹងបញ្ហាអតិផរណាដោយសារតែកំណើនតម្លៃថាមពលនេះ ក្រសួងសេដ្ឋកិច្ច ផែនការ និងអភិវឌ្ឍន៍ហ្វីលីពីន (DEPDev) បាននិយាយថា រដ្ឋាភិបាលគ្រោងដាក់ចេញវិធានការដើម្បីកាត់បន្ថយផលប៉ះពាល់ពីអតិផរណា រួមទាំងការផ្តល់ប្រាក់ឧបត្ថម្ភប្រេងឥន្ធនៈ និងការផ្គត់ផ្គង់ប្រេងបន្ទាន់៕
-
ព័ត៌មានជាតិ៥ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៥ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៥ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ២ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៤ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៧ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច១ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ