ព័ត៌មានជាតិ

សម្ដេចតេជោ ហ៊ុន សែន ថា ពុំមានហេតុផលបន្តបិទរាជធានី-ខេត្តទៀតនោះទេ ក្រោយថ្ងៃទី៥ ឧសភា

បានផុស

៤ years មុន

នៅ

ថ្ងៃអាទិត្យ ២ ឧសភា ២០២១

ដោយ

សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជាតាមរយៈការឆ្លើយតប Comment ទៅអ្នកប្រើបណ្តាញសង្គមហ្វេសបុកបានលើកឡើងថា ពុំមានហេតុផលបន្តបិទរាជធានី-ខេត្តទៀតនោះទេ ក្រោយថ្ងៃទី៥ ឧសភា ប៉ុន្តែអាចបិទតំបន់តូចៗដែលមានហានិភ័យខ្ពស់ប៉ុណ្ណោះ។ សម្តេចបានលើកឡើងថា ការបិទកន្លងមកគឺជាការបង្ខំចិត្ត ដើម្បីកាត់បន្ថយការឆ្លង និងការស្លាប់របស់ប្រជាជនយើង និងសុំឱ្យមានការយោគយល់ដល់ការលំបាករួមរបស់ជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាជរដ្ឋាភិបាលកម្ពុជាបានសម្រេចបិទខ្ទប់រាជធានីភ្នំពេញ និងក្រុងតាខ្មៅខេត្តកណ្តាលកាលពីថ្ងៃទី១៤ ឆ្លងចូលថ្ងៃទី១៥ ខែមេសា ឆ្នាំ២០២១ កន្លងមកចំនួន១៤ ថ្ងៃដើម្បីទប់ស្កាត់ការឆ្លងរីករាលដាលជំងឺកូវីដ១៩ ក្នុងសហគមន៍។ រយៈពេលបិទខ្ទប់នេះ ពលរដ្ឋគ្រប់រូបមិនត្រូវបានអនុញ្ញាតឱ្យចេញពីផ្ទះនោះទេ បើមិនចាំបាច់ តែក៏លើកលែងចំពោះបុគ្គលមួយចំនួន ខណៈអ្នកមិនគោរព ឬបំពាន នឹងអាចរងការពិន័យចន្លោះពី១លានទៅ២០លានរៀល និងអាចជាប់ពន្ធនាគារពី៦ខែទៅ៥ឆ្នាំ។

ដោយសារករណីឆ្លងកូវីដ១៩ នៅតែមានខ្ទង់រយនាក់ ក្នុងមួយថ្ងៃៗ រាជរដ្ឋាភិបាលកាលពីថ្ងៃទី២៦ ខែមេសា ឆ្នាំ២០២១កន្លងមកនេះបានសម្រេចបិទខ្ទប់រាជធានីភ្នំពេញរយៈពេល១សប្តាហ៍បន្ថែមទៀត រហូតដល់ថ្ងៃទី៥ ខែឧសភា ឆ្នាំ២០២១៕