សេដ្ឋកិច្ច

តម្លៃហាងឆេងមាសហក់ឡើងដល់ជាង ៥២០០ ដុល្លារ មួយតម្លឹង នៅចំពេលអាមេរិក-អ៊ីរ៉ង់ ឈានដល់កិច្ចព្រមព្រៀងបញ្ចប់សង្គ្រាម

បានផុស

២៧ វិនាទី មុន

នៅ

ថ្ងៃចន្ទ ១៥ មិថុនា ២០២៦

ដោយ

តម្លៃហាងឆេងមាសបានហក់ឡើងឡើងវិញដល់ជាង ៥២០០ ដុល្លារ ក្នុងមួយតម្លឹង បន្ទាប់ពីសហរដ្ឋអាមេរិក និងអ៊ីរ៉ង់ឈានដល់កិច្ចព្រមព្រៀងសន្តិភាពបញ្ចប់សង្រ្គាម ដែលអូសបន្លាយពេលជិត ៤ ខែមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង នាយកអភិវឌ្ឍអាជីវកម្មនៃក្រុមហ៊ុន PP Link securities ប្រាប់កម្ពុជាថ្មីនៅថ្ងៃចន្ទ ទី ១៥ មិថុនា ២០២៦ នេះថា កម្រិតនៃការកើនឡើងនៃតម្លៃហាងឆេងមាសនឹងទៅតាមដំណាក់កាល។

លោក ឡុង សំណាង យល់ឃើញថា៖ «ក្នុងស្ថានភាពនេះ សេដ្ឋកិច្ចអាមេរិកល្អច្រើនពាក់ព័ន្ធនឹងកំណើនការងារ ចំណូលមធ្យមក្នុងមួយម៉ោង ពាក់ព័ន្ធជាមួយនឹងអត្រាអ្នកអត់មានការងារធ្វើ ឬក៏ព័ត៌មានទំនិញផ្សេងៗសុទ្ធតែល្អៗច្រើន ព័ត៌មានល្អៗទាំងអស់ហ្នឹង វារុញច្រានឱ្យប្រាក់ដុល្លារល្អ ពេលដែលដុល្លារល្អតម្លៃហាងឆេងមាស នឹងមានការធ្លាក់ចុះ អញ្ចឹងហើយវាអត់ទាន់អាចឡើងទៅដល់ ៦ ពាន់ ឬ ៥ ពាន់ក្រាស់ ក្នុងពេលឆាប់ៗទេ វាទៅតាមដំណាក់កាល»។

លោក ឡុង សំណាង បន្ថែមថា កម្រិតនៃការកើនឡើងច្រើន ប្រសិនបើបញ្ចប់សង្គ្រាមអាមេរិក-អ៊ីរ៉ង់ ដែលអាចនឹងកើនឡើងដល់ ៥៥០០ ដុល្លារ ក្នុងមួយតម្លឹងនៅក្នុងដំណាក់កាលនេះ។

គិតត្រឹមម៉ោង ៩ ព្រឹកថ្ងៃទី ១៥ មិថុនា ២០២៦ តម្លៃហាងឆេងមាសតាមបណ្ដាហាងនានាក្នុងរាជធានីភ្នំពេញ លក់ចេញ ៥២១ ដុល្លារ ក្នុងមួយតម្លឹង៕