ព័ត៌មានអន្ដរជាតិ
អឺរ៉ុប ទទូចថា បទឈប់បាញ់អាមេរិក-អ៊ីរ៉ង់ គួរតែ រួមបញ្ចូលលីបង់ ខណៈអ៊ីស្រាអែលទំនងមិនព្រម
ប្រធានគោលនយោបាយការបរទេសរបស់សហភាពអឺរ៉ុប(EU) លោកស្រី Kaja Kallas លើកឡើងនៅថ្ងៃចន្ទ ថា រដ្ឋមន្ត្រីការបរទេសអឺរ៉ុបសង្កត់ធ្ងន់លើតម្រូវការសម្រាប់ប្រទេសលីបង់ ដោយត្រូវតែគ្របដណ្តប់ដោយបទឈប់បាញ់របស់អាមេរិក-អ៊ីរ៉ង់ ចំពេលមានការដាក់ពង្រាយកងទ័ពអ៊ីស្រាអែលជាបន្តបន្ទាប់ក្នុងប្រទេសនេះ។
យោងតាមភ្នាក់ងារសារព័ត៌មានតួកគី Anadolu ផ្សាយថ្ងៃទី១៦ ខែមិថុនា ឆ្នាំ២០២៦ បន្ទាប់ពីកិច្ចប្រជុំរបស់រដ្ឋមន្ត្រីការបរទេសសហភាពអឺរ៉ុប នៅទីក្រុង Luxembourg លោកស្រី Kallas និយាយថា៖ « រដ្ឋមន្ត្រីនានាបានពិភាក្សាអំពីស្ថានភាពនៅលីបង់ និងគូសបញ្ជាក់ពីសារៈសំខាន់នៃការពង្រីកការរៀបចំបទឈប់បាញ់ ចំពោះប្រទេសនេះ»។
លោកស្រីបន្ថែមថា៖ « រដ្ឋមន្ត្រីកំពុងជជែកលើបញ្ហាលីបង់ គួរតែត្រូវបានគ្របដណ្តប់ដោយបទឈប់បាញ់ ពីព្រោះវាពិតជាត្រូវការសម្រាប់រឿងនេះ»។
ដោយឡែក មន្ត្រីជាន់ខ្ពស់សហរដ្ឋអាមេរិកម្នាក់ បាននិយាយកាលពីថ្ងៃចន្ទ ថា អាមេរិកបានចុះហត្ថលេខាលើអនុស្សរណៈនៃការយោគយល់គ្នាជាមួយអ៊ីរ៉ង់ ដើម្បីបញ្ចប់ជម្លោះរយៈពេលបួនខែ ដោយគូសបញ្ជាក់ពីក្របខ័ណ្ឌដំណាក់កាលភ្ជាប់លើវិធានការសេដ្ឋកិច្ច ការផ្ទៀងផ្ទាត់នុយក្លេអ៊ែរ និងការប្តេជ្ញាចិត្ត ចំពោះសន្តិសុខក្នុងតំបន់។
ការកត់សម្គាល់របស់ លោកស្រី Kallas បានកើតឡើង ខណៈក្តីបារម្ភនៅតែបន្តកើតមានលើការបដិសេធរបស់អ៊ីស្រាអែលក្នុងការដកកងទ័ព ចេញពីភាគខាងត្បូងលីបង់ ទោះបីជាមានការអំពាវនាវពីអន្តរជាតិ និងកិច្ចព្រមព្រៀងឈប់បាញ់សម្របសម្រួលដោយសហរដ្ឋអាមេរិកក៏ដោយ។
លោកស្រី Kallas ក៏បានប្រកាសថា សហភាពអឺរ៉ុបបានអនុម័តកញ្ចប់ជំនួយជិត ១១៦លានដុល្លារសម្រាប់កងកម្លាំងប្រដាប់អាវុធលីបង់ ដើម្បីពង្រឹងអំណាចរដ្ឋ ដែលសកម្មភាពនេះជាបេសកកម្មថ្មីរបស់សហភាពអឺរ៉ុប ក្នុងប្រទេសលីបង់។
ដោយលើកឡើងពីការវិវឌ្ឍនៅមជ្ឈិមបូព៌ា លោកស្រី Kallas បានស្វាគមន៍ ចំពោះការប្រកាសរបស់សហរដ្ឋអាមេរិក និងអ៊ីរ៉ង់អំពីកិច្ចព្រមព្រៀងមួយ ដើម្បីបញ្ចប់ជម្លោះនិងបើកច្រកសមុទ្រ Hormuz ឡើងវិញ ដោយពណ៌នាថាវាជារបកគំហើញដ៏មានសក្តានុពលមួយ អាចបង្កើតកន្លែងសម្រាប់ការចរចាបន្ថែមទៀតលើកម្មវិធីនុយក្លេអ៊ែររបស់អ៊ីរ៉ង់ និងបញ្ហាសំខាន់ៗផ្សេងទៀត៕
សម្រួល៖ ណឺ មិនា
-
ព័ត៌មានអន្ដរជាតិ១ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៥ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ៣ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម