ព័ត៌មានអន្ដរជាតិ
ការលាលែងពីតំណែងរបស់នាយករដ្ឋមន្ត្រីអង់គ្លេស ប៉ះពាល់ដល់កិច្ចប្រជុំកំពូលអឺរ៉ុប-អង់គ្លេស
ការប្រកាសលាលែងពីតំណែងរបស់ នាយករដ្ឋមន្ត្រីអង់គ្លេស លោក Keir Starmer កាលពីថ្ងៃចន្ទទី២២ខែមិថុន បានធ្វើឲ្យ សហភាពអឺរ៉ុប (EU) វាយតម្លៃ និងពិចារណាឡើងវិញ ថាតើគួររក្សាគម្រោងរៀបចំកិច្ចប្រជុំកំពូលជាមួយចក្រភពអង់គ្លេស ដូចការគ្រោងទុកដែរឬទេ។ នេះបើយោងតាមការចេញផ្សាយដោយស្រង់សម្តី អ្នកនាំពាក្យគណៈកម្មការអឺរ៉ុប។
យោងតាមទីភ្នាក់ងារសារព័ត៌មាន Reuters, អ្នកនាំពាក្យរូបនេះ បានបញ្ជាក់ថា «ទំនាក់ទំនងរបស់យើងជាមួយអង់គ្លេស នៅតែមានភាពរឹងមាំ និងបន្តរក្សាភាពរឹងមាំដដែល។ ប៉ុន្តែចំពោះសំណួរទាក់ទងនឹងកិច្ចប្រជុំកំពូលរវាង EU និងចក្រភពអង់គ្លេស ផ្អែកលើការប្រកាសលាលែងពីតំណែងរបស់នាយករដ្ឋមន្ត្រី Starmer យើងកំពុងធ្វើការវាយតម្លៃឡើងវិញ ជាមួយប្រធានក្រុមប្រឹក្សាអឺរ៉ុប លោក Costa និងភាគីអង់គ្លេស អំពីលទ្ធភាពនៃការបន្តរៀបចំកិច្ចប្រជុំកំពូលនេះ ដូចដែលបានប្រកាសកាលពីសប្តាហ៍មុន»។
កន្លងមក ប្រធានគណៈកម្មការអឺរ៉ុប លោកស្រី Ursula von der Leyen បានសម្តែងការកោតសរសើរយ៉ាងខ្លាំងចំពោះលោក Starmer ដោយ លោកស្រី បានសរសេរនៅលើបណ្តាញសង្គម X ថា «វាអាចនឹងត្រូវចំណាយពេលជាច្រើនឆ្នាំ សម្រាប់មេដឹកនាំជាច្រើនក្នុងការអភិវឌ្ឍខ្លួនឲ្យក្លាយជាអ្នកនយោបាយដ៏ឆ្នើមម្នាក់ ដូចអ្វីដែល លោក [Starmer ] បានធ្វើក្នុងរយៈពេលត្រឹមតែពីរឆ្នាំប៉ុណ្ណោះ។ សន្តិសុខរបស់អឺរ៉ុប និងអ៊ុយក្រែន មានភាពរឹងមាំជាងមុន ក៏ដោយសារតែរូបលោកដែរ»។
ជុំវិញការប្រកាសលាលែងពីតំណែងជានាយករដ្ឋមន្ត្រីអង់គ្លេស បានកើតឡើង បន្ទាប់ពីរដ្ឋាភិបាលរបស់លោក Starmer បានរងសម្ពាធយ៉ាងធ្ងន់ធ្ងរ ពីសំណាក់សាធារណជន និងអ្នកនយោបាយប្រឆាំងនៅអង់គ្លេស។ លោក ត្រូវបានរិះគន់យ៉ាងចាស់ដៃថា «បានបរាជ័យយ៉ាងធ្ងន់ធ្ងរ» ក្នុងការដោះស្រាយវិបត្តិអន្តោប្រវេសន៍ខុសច្បាប់ និងការកើនឡើងនៃតម្លៃថាមពលនៅក្នុងស្រុក ដែលធ្វើឲ្យប្រជាប្រិយភាពរបស់លោក និងគណបក្សពលករ (Labour Party) ធ្លាក់ចុះយ៉ាងគំហុក។
នៅទីបំផុត កាលពីព្រឹកថ្ងៃ ទី២២ ខែមិថុនា ឆ្នាំ២០២៦ លោក Keir Starmer បានប្រកាសជាផ្លូវការថានឹងចុះចេញពីតំណែង។ ការដើរចេញភ្លាមៗទាំងមិនទាន់ចប់អាណត្តិនេះ បានធ្វើឲ្យកិច្ចព្រមព្រៀងការទូតធំៗជាច្រើនត្រូវគាំង រួមទាំងគម្រោងជំនួបកំពូលរវាងអង់គ្លេស និងសហភាពអឺរ៉ុប (EU-UK Summit) ដែលគ្រោងធ្វើឡើងនៅថ្ងៃទី២២ ខែកក្កដា ខាងមុខនេះ ក៏ត្រូវផ្អាកដើម្បីវាយតម្លៃឡើងវិញទាំងស្រុងដែរ៕
អត្ថបទ ៖ សាង ស្រីល័ក្ខ
មានការទម្លាយថា នាយករដ្ឋមន្ត្រី អង់គ្លេស លោក Starmer ត្រៀមខ្លួនលាលែងតំណែង
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ៧ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានអន្ដរជាតិ៧ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS