កីឡា

អបអរសាទរ! អង់គ្លេស ទទួលបានលេខ ៣ ក្រោយឈ្នះ បារាំង ៦-៤ ក្នុងជំនួបស៊ុតគ្នាដូចព្យុះ

បានផុស

៥ ម៉ោង មុន

នៅ

ថ្ងៃអាទិត្យ ១៩ កក្កដា ២០២៦

ដោយ

ក្រុមបាល់ទាត់ជម្រើសជាតិ អង់គ្លេស ទទួលបានចំណាត់ថ្នាក់លេខ ៣ ក្នុងព្រឹត្តិការណ៍បាល់ទាត់ជើងឯកពិភពលោក FIFA World Cup ឆ្នាំ ២០២៦ បន្ទាប់ពីបានយកឈ្នះ បារាំង ដោយលទ្ធផល ៦-៤ សម្រាប់ការប្រកួតដណ្តើមចំណាត់ថ្នាក់លេខ ៣ នៅព្រឹកថ្ងៃអាទិត្យ ទី១៩ ខែកក្កដា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាជាការប្រកួតដ៏ជក់ចិត្ត និងបង្កើតភាពរីករាយយ៉ាងខ្លាំងតាមរយៈគ្រាប់បាល់ស៊ុតគ្នាទៅវិញទៅមក។ ការប្រកួតវគ្គទី១ អង់គ្លេស រកបាន ៤ គ្រាប់ដោយមិនឲ្យតដៃរួចឡើយដើម្បីនាំមុខ ៤-០ ដោយកីឡាករ ៣ នាក់ផ្សេងគ្នាគឺ Declan Rice នៅនាទី៣ Ezri Konsa នៅនាទី១៨ និងBukayo Saka នៅនាទី៣៧ និង៤៥+១។

ចូលវគ្គទី២ បារាំង បានវាយបកវិញដោយរកបាន ៣ គ្រាប់ ដើម្បីតាមពីក្រោយ ៣-៤ ដោយកីឡាករ Kylian Mbappe ពីរគ្រាប់នៅនាទី ៤៨ និង ៦៦ និង ១ គ្រាប់ទៀតដោយកីឡាករBradley Barcola នៅនាទី៥៤។

នៅមិនស្ងប់ស្ងាត់គ្រាប់បាល់ត្រឹម ៣-៤ ទេ ប៉ុន្តែនៅចុងម៉ោងកើតមាន ៣ គ្រាប់ស្ទើរមិនគួរឲ្យជឿ។ អង់គ្លេស ទទួលបានពិន័យស៊ុត ១១ ម៉ែត្រដែលកីឡាករ Bukayo Saka ស៊ុតបានសម្រេចនៅនាទី ៨៤ ខណៈបារាំងរកបាន១គ្រាប់ទៀតដោយកីឡាករ Ousmane Dembele នៅនាទី ៩០+៦ ហើយជិតនឹងបញ្ចប់ទៅហើយគឺនៅនាទី៩០+៨ អង់គ្លេស រកបាន ១ គ្រាប់ទៀតដោយកីឡាករ Jude Bellingham។