គ្រូពេទ្យ​ចុះ​យក​សំណាកកម្មករជាង ១៨០០ នាក់ រកឃើញ​ ១៣២ នាក់​មាន​កូវីដ១៩

ភ្នំពេញ​៖​ ក្រោយពីស្ត្រីមានផ្ទៃពោះម្នាក់ដែល​ធ្វើការងារក្នុងរោងចក្រកាត់ដេរ H7​ ស្ថិតក្នុងភូមិត្រពាំងជ្រៃ សង្កាត់កាកាប២ ខណ្ឌពោធិ៍សែនជ័យ បានស្លាប់មាន​វិជ្ជមានកូវីដ-១៩ ក្រុមគ្រូពេទ្យស្ម័គ្រចិត្តសម្ដេចតេជោ(TYDA) បាន​ចុះ​យកសំណាកកម្មករចំនួន ១៨៥៧ នាក់ ជាលទ្ធផល​រកឃេីញអ្នកវិជ្ជមានកូវីដ១៩ថ្មីចំនួន១៣២នាក់បន្ថែមទៀត។​

តាមប្រភពព័ត៌មានបានឲ្យដឹងថា​ កាលពីល្ងាចថ្ងៃទី២០ ខែឧសភា​ ឆ្នាំ២០២១​ ក្រុមគ្រូពេទ្យជំនាញបា​នរកឃើញវិជ្ជមានកូវីដ១៩ ចំនួន៧នាក់ នៅរោងចក្រ H7 ក្នុងនោះមានស្ត្រីម្នាក់ឈ្មោះ សាន សំអូន អាយុ៣៣ឆ្នាំ បានស្លាប់ទាំងកូនក្នុងផ្ទៃ។

លុះមកដល់ថ្ងៃទី២៣​ ឧសភា ក្រុមគ្រូពេទ្យស្ម័គ្រចិត្តសម្ដេចតេជោ(TYDA) សហការបានចុះ​យកសំណាកកម្មករចំនួន ១៨៥៧ នាក់ ក្នុងនោះរកឃេីញអ្នកវិជ្ជមានចំនួន១៣២នាក់បន្ថែមទៀត​ បេីគិតត្រឹមវេលាម៉ោង៤និង២០នាទី​ល្ងាចនេះ៕