ព័ត៌មានជាតិ

ខឹងមិនឲ្យលុយទិញស្រាផឹក ប្ដីយកសាំងដុតផ្ទះខ្ទេច

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

គ្រាន់តែសុំលុយរបស់ប្រពន្ធទៅទិញស្រាផឹកមិនបាន បុរសជាប្ដីបានយកសាំងចាក់ដុតផ្ទះខ្លួនកំពុងរស់នៅឆេះខ្ចេចអស់ ដែលហេតុការណ៍បានកើតឡើង នៅខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចឲ្យដឹងថា ករណីខាងលើបានកើតឡើងនៅល្ងាចថ្ងៃទី២៤ ខែឧសភា ឆ្នាំ២០២១ វេលាម៉ោង៤:៣០នាទីរសៀលស្ថិតនៅចំណុចក្រុមទី០៩ភូមិអូរចម្លង ឃុំតាសែន ស្រុកកំរៀង ខេត្តបាត់ដំបង។ បង្កឡើងដោយឈ្មោះ ឈួន ប៉ុន ភេទប្រុស អាយុ៣០ឆ្នាំ រស់នៅក្នុងចំណុចកើតហេតុជាម្ចាស់ផ្ទះបណ្តាលឲ្យឆេះផ្ទះតៀម០១ខ្នងទំហំ៥មx៦ម ធ្វើពីឈើប្រក់ស័ង្កសីជញ្ជាំងស័ង្កសី រួមនិងសម្ភារៈមួយចំនួនបានឆេះទាំងស្រុង។

សម្ភារៈខូចខាតរួមមាន៖ ឆេះផ្ទះ០១ខ្នង, ឆេះអង្ករ១ការុង, ឆេះសម្លៀកបំពាក់ចានឆ្នាំងមុងភួយ,ឆេះប្រាក់ខ្មែរចំនួន៣០០.០០០រៀល(បីរយពាន់រៀល)។ ក្រៅពីនេះឯកសារមួយចំនួនមានដូចជាសៀវភៅគ្រួសារ សំបុត្រកំណើត និងសម្ភារប្រើប្រាស់ ក្នុងផ្ទះមួយចំនួនទៀត ក៏ត្រូវឆេះគ្មានសល់ ប៉ុន្តែពុំមានគ្រោះថ្នាក់ដល់មនុស្សទេ។

តាមសម្តីជាប្រពន្ធជនបង្ក បានប្រាប់សមត្ថកិច្ចថា មុនកើតហេតុនៅថ្ងៃនិងវេលាខាងលើ ជនបង្កជាប្តីបានសុំលុយខ្លួនជាប្រពន្ធយកទៅទិញស្រាផឹកហើយ ខ្លួនជាប្រពន្ធមិនចង់ឲ្យក៏មានទំនាស់ពាក្យសំដីបន្តិចបន្តួច ក៏ស្រាប់តែប្តីរូបនេះ ខឹងក៏ទៅទិញសាំងមកដុតផ្ទះខ្លួនឯងចោលតែម្តង។

ជុំវិញករណីនេះ សមត្ថកិច្ចបានប្រាប់ថា ភ្លាមៗនោះសមត្ថកិច្ចពុំបានចេញរថយន្តពន្លត់អគ្គិភ័យទៅជួយអន្តរាគមន៍ទេដោយសារផ្លូវឆ្ងាយនិងទទួលព័ត៌មានយឺតពេល៕

អត្ថបទ៖ សៅ សារិទ្ធ

សូមចុចអាន៖ មនុស្សដែលពុលស្រានៅខេត្តកំពត កើនឡើងដល់៥៥នាក់ និងស្លាប់១០នាក់ហើយ