ព័ត៌មានជាតិ

សាច់មាន់បង្កក និងគ្រឿងក្នុងបង្កក ដែលនាំចូលខុសច្បាប់ប្រមាណជាង៤តោន ត្រូវសមត្ថកិច្ចពាក់ព័ន្ធដុតបំផ្លាញចោល

បានផុស

២ years មុន

នៅ

ថ្ងៃសុក្រ ៣០ សីហា ២០២៤

ដោយ

ស្លាបមាន់ និងគ្រឿងក្នុងមាន់បង្កកចំនួន ២៣៩ គីឡូក្រាម ជើងទាបង្កកចំនួន ១,៦០០ គីឡូក្រាម និង ចុងស្លាបមាន់បង្កកចំនួន ២,៤០០ គីឡូក្រាម សរុបប្រមាណជា៤,២៣៩គីឡូក្រាម ស្មើនឹង៤តោន ត្រូវបានអគ្គនាយកដ្ឋានគយ និងរដ្ឋាករកម្ពុជា រួមនឹងសមត្ថកិច្ចពាក់ព័ន្ធសហការគ្នាដុតបំផ្លាញចោល នាព្រឹកថ្ងៃទី៣០ ខែសីហា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្ត្រីគយបានឱ្យដឹងថា ការដុះបំផ្លាញស្លាបមាន់ គ្រឿងក្នុងមាន់បង្កក ជើងទាបង្កក និងចុងស្លាបមាន់បង្កក នេះ គឺបានមកពីការបង្ក្រាបបានតាំងពីថ្ងៃទី២៨ និង២៩ ខែសីហាកន្លងមកនេះ។

មន្ត្រីដដែលបញ្ជាក់ទៀតថា គ្រឿងសាច់បង្កកទាំងនេះ ឈ្មួញលួចលាក់បង្កប់ក្នុងទំនិញដទៃ ដែលនាំចូលពីប្រទេសថៃ តាមផែស្ងួតដូង ខ្លះទៀត លួចលាក់ដឹកជញ្ជូនតាមច្រករបៀងក្នុងភូមិសាស្ត្រស្រុកស្វាយចេក ខេត្តបន្ទាយមានជ័យ និង លួចលាក់ដឹកតាមច្រករបៀងក្នុងភូមិសាស្ត្រស្រុកស្វាយចេក ខេត្តបន្ទាយមានជ័យ។

បើតាមការពិនិត្យជាក់ស្ដែង ផលិតផលសត្វបង្កកទាំងអស់នេះ នាំចូលពីបរទេស ស្តុកទុក និងលក់ចែកចាយនៅរាជធានីភ្នំពេញ ដោយគ្មានលិខិតអនុញ្ញាតអ្វីទាំងអស់ និងជាផលិតផលបំណែកសាច់បង្កក ដែលក្រសួងពាណិជ្ជកម្ម និងក្រសួងកសិកម្ម ចាត់វិធានការផ្អាកធ្វើការនាំចូលជាបណ្ដោះអាសន្នរយៈពេល ០៦ ខែ កាលពីថ្ងៃទី ១២ ខែមេសា ឆ្នាំ ២០២៤ កន្លងទៅ៕