កូវីដ-១៩

ខេត្តបន្ទាយមានជ័យ រកឃើញអ្នកវិជ្ជមានកូវីដ-១៩ ចំនួន៤១នាក់បន្ថែម

បានផុស

៤ years មុន

នៅ

ថ្ងៃសុក្រ ៤ មិថុនា ២០២១

ដោយ

នៅរសៀលថ្ងៃទី៣ ខែមិថុនា ឆ្នាំ២០២១នេះ រដ្ឋបាលខេត្តបន្ទាយមានជ័យ បានប្រកាសរកឃើញករណីវិជ្ជមានជំងឺកូវីដ-១៩ ចំនួន៤១នាក់បន្ថែមទៀត ដែលភាគច្រើនជាពលករទើបវិលត្រឡប់មកពីប្រទេសថៃ កម្មករ-កម្មការិនី និងមកពីរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ រដ្ឋបាលខេត្ត ក៏បានចេញសេចក្តីសម្រេចបញ្ចប់ការបិទខ្ទប់អគារស្នាក់នៅរួម ម៉ាវង្សា ភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ នេះបើតាមការអះអាងរបស់រដ្ឋបាលខេត្តបន្ទាយមានជ័យនៅថ្ងៃទី៣ ខែមិថុនា ឆ្នាំ២០២១នេះ។

ជាមួយគ្នានឹងការបញ្ចប់ការបិទខ្ទប់នេះ រដ្ឋបាលខេត្ត សូមអំពាវនាវដល់ប្រជាពលរដ្ឋទាំងអស់រស់នៅក្នុងខេត្តបន្ទាយមានជ័យ ត្រូវចូលរួមអនុវត្តវិធានការ ៣ការពារ និង៣កុំ និងតាមសេចក្តីណែនាំរបស់ក្រសួងសុខាភិបាលឲ្យបានខ្ជាប់ខ្ជួនផងដែរ៕

អត្ថបទ ៖ វ៉ាន់ ណាង