យុវជន២ក្រុមផឹកស៊ីឌឺដងដាក់គ្នា ទាញដបស្រាវាយគ្នាផ្អេីលភ្ញៀវរត់ជាន់ជេីងគ្នា

ក្រុមយុវជនក្មេងស្ទាវចំនួន២ក្រុមបាននាំគ្នាចូលផឹកស៊ីក្នុងហាងមួយកន្លែងយីហោ ផាំ ឃីន ស្ថិតក្នុងបរិវេណកោះពេជ្រ សង្កាត់ទន្លេបាសាក់ ខណ្ឌចំការមន ខណះពេលស្រវឹងរៀងៗខ្លួន ក៏ឌឺដងដាក់គ្នារហូតឈានទៅដល់ភាគីម្ខាងទាញដបស្រានិងកែវ ចាន ស្ទុះមកវាយប្រាវ បង្កការភ្ញាក់ផ្អេីលដល់ភ្ញៀវរត់ជាន់ជេីងគ្នា កាលពីវេលាម៉ោង១០យប់ ថ្ងៃទី៩យប់ ខែមិថុនា ឆ្នាំ២០២១ នេះ។

តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញក្មេងស្ទាវចំនួន២ក្រុមផ្សេងគ្នា ដោយម្ខាងមានគ្នា៧ទៅ៨នាក់ និងម្ខាងទៀតមានគ្នាជាង១០នាក់ ហេីយបានចូលមកអង្គុយផឹកស៊ីនៅខាងក្នុងហាងយីហោ ផាំ ឃីន ខណះផឹកស៊ីស្រវឹងស្រឿងៗរៀងខ្លួន ភាគីទាំងសងខាងក៏ចេះតែអង្គុយមេីលមុខគ្នាទៅវិញទៅមក ។
ប្រភពដដែលបានបន្តថា បន្ទាប់មកយុវជនម្នាក់ក្នុងចំណោមភាគីខាង៧ទៅ៨នាក់ បានដេីរទៅបន្ទប់ទឹក ភ្លាមនោះភាគីម្ខាងទៀតក៏ដេីរទៅតាមក្រោយ រួចយកដៃដាក់លេីស្មាយុវជននោះនិងសួថា ហែងឌឺអញមែន? ហេីយក៏ទាញដបវាយប្រាវ ទេីបផ្អេីលពេញហាង នាំគ្នាគុបកែវ ចាន ទៅវិញទៅមក ធ្វេីឱ្យភ្ញៀវភ័យរត់ជាន់ជេីងគ្នា រួចភាគីម្ខាងក៏នាំគ្នាឡេីងម៉ូតូគេចខ្លួនបាត់អស់បន្សល់ភាគីម្ខាងនៅកន្លែងកេីតហេតុ។

ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុ និងនាំភាគីម្ខាងទៅសួរនាំនៅប៉ុស្តិ៍នគរបាលរដ្ឋបាលទន្លេបាសាក់ដេីម្បីទទួលពាក្យបណ្តឹង៕

អត្កបទ ៖ សុខា