ខេត្តព្រៃវែងបន្តរកឃើញអ្នកឆ្លងជំងឺកូវីដថ្មីចំនួន៤១នាក់បន្ថែម

នៅថ្ងៃទី១៧ ខែមិថុនា ឆ្នាំ២០២១ រដ្ឋបាលខេត្តព្រៃវែងបានបន្តរកឃើញអ្នកឆ្លងជំងឺកូវីដ-១៩ ថ្មីចំនួន​៤១នាក់បន្ថែម ជា​ករណីឆ្លងក្នុងព្រឹត្តិការណ៍សហគមន៍២០កុម្ភៈ និងមកពីតាមបណ្ដារាជធានី-ខេត្ត និងមកពីក្រៅ​ប្រទេស នៅក្នុងមូលដ្ឋានស្រុក​ចំនួន៨ ។

ស្រុកដែលរកឃើញករណីវិជ្ជមានជំងឺកូវីដទាំងនេះមាន ១- ក្រុងព្រៃវែង ចំនួន២​នាក់​។ ២- ស្រុក​ព្រះសេ្ត​ច ចំនួន១២​នាក់។ ៣-​ស្រុក​ពាម​ជរ ចំនួន១១​នាក់។ ៤- ស្រុក​ស្វាយ​អ​ន្ទ​រ ចំនួន៤​នាក់។ ៥-ស្រុក​បាភ្នំ ចំនួន៤​នាក់។ ៦- ស្រុក​ពាម​រក៍​.ចំនួន៣​នាក់។ ៧- ស្រុក​មេសាង ចំនួន៣​នាក់។​ ៨- ស្រុក​ពារាំង ចំនួន២​នាក់។​

អ្នក​វិជ្ជមាន​ជំងឺ​កូ​វីដ​-១៩ ទាំង៤១​នាក់​ខាងលើ បានបញ្ជូនទៅសម្រាក​ព្យាបាល​នៅ​មន្ទីរពេទ្យបង្អែក​ខេត្ត​ និង​តាម​មន្ទីរពេទ្យបង្អែក​ស្រុក​របស់​ពួកគេ​នីមួយៗ​។

សូមបញ្ជាក់ថា គិតត្រឹមថ្ងៃទី១៧ ខែមិថុនា ឆ្នាំ២០២១ ខេត្តព្រៃវែងមានអ្នកឆ្លងជំងឺកូវីដ-១៩ សរុប ១,១០៨នាក់ ព្យាបាលជាសះស្បើយចំនួន​៥២១នាក់ កំពុងសម្រាកព្យាបាលចំនួន៥៧៥នាក់ និង​ស្លាប់១២នាក់៕

អត្ថបទ ៖ សុខុម​