ព័ត៌មានជាតិ

មន្ត្រីយោធាម្នាក់ សង្ស័យខឹងប្រពន្ធជំពាក់លុយធនាគារច្រើនពេកដុតផ្ទះចោល

បានផុស

៥ years មុន

នៅ

ថ្ងៃសុក្រ ១៨ មិថុនា ២០២១

ដោយ

ស្ទឹងត្រែង ៖ មន្ត្រីយោធាម្នាក់ ត្រូវបានគេសង្ស័យថាខឹងប្រពន្ធជំពាក់ធនាគារជាច្រើនពេកឈ្លោះប្រកែកគ្នាបង្កហិង្សាដុតផ្ទះចោល តែត្រូវបានសមត្ថកិច្ចហៅបំភ្លឺ ថាករណីឆេះនេះ ដោយសារកំដៅសម្ល ហើយឈ្លោះប្ដីប្រពន្ធ មិនបានពន្លត់ធ្វើឲ្យផ្ទុះកំប៉ុងហ្គាស ឆេះផ្ទះតែម្ដង។

ករណីឆេះផ្ទះមន្ត្រីយោធានេះ បានបង្កឡើងកាលពីវេលាម៉ោង៤និង៤៥នាទីល្ងាច ថ្ងៃទី១៨ ខែមិថុនា ឆ្នាំ២០២១ នៅភូមិព្រែក សង្កាត់ស្ទឹងត្រែង ក្រុងស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានប្រាប់ឲ្យដឹងថា ផ្ទះដែលចេះនេះជារបស់ឈ្មោះហេង វិបុល អាយុ៤០ឆ្នាំ(ប្តី)ជាមន្ត្រីយោធាកងវិស្វកម្មនៃភូមិភាគទី ១ និងប្រពន្ធឈ្មោះ ថរ ពិសី អាយុ៤០ឆ្នាំ មានទីលំនៅភូមិព្រែក សង្កាត់ស្ទឹងត្រែង ក្រុងខេត្តស្ទឹងត្រែង។

សមត្ថកិច្ចបានបន្តថា ផ្ទះដែលឆេះនេះធ្វើពីឈើប្រក់ស័ង្កសី មានទំហំ៦ម៉ែត្រគុណនិង២១ម៉ែត្រត្រូវបានខូចខាតទ្រព្យសម្បត្តិ និងសម្ភារៈអស់ទាំងស្រុង។ ក្រោយឆាបឆេះអស់ត្រូវបានសមត្ថកិច្ចហៅទៅបំភ្លឺ មន្ត្រីយោធាខាងបានឆ្លើយថា គេបានកម្ដៅសម្ល ហើយបានឈ្លោះប្តីប្រពន្ធបង្កហិង្សា ភ្លេចពន្លត់ធ្វើឲ្យកំប៉ុងហ្គាសផ្ទុះ បង្កជាអគ្គិភ័យឆាបឆេះផ្ទះតែម្ដង មិនមែនខឹងប្រពន្ធជំពាក់លុយធនាគារដុតចោលនោះទេ។

ក្រោយពីមានការឆាបឆេះក្រុមអន្តរាគមន៍ពន្លត់អគ្គិភ័យនៃស្នងការនគរបាលខេត្តបានចេញរថយន្តជួយបាញ់ទឹកពន្លត់អស់ចំនួនពីរថយន្តទើបគ្រប់គ្រងបានតែមិនបណ្តាលឲ្យឆេះរាលដាលដល់ផ្ទះអ្នកដទៃឡើយ៕

ដោយ ៖ ងិនលីម