សុខភាព

សូមប្រុងប្រយ័ត្នជំងឺបម្រុងក្រឡាភ្លើង ចំពោះស្ដ្រីមានផ្ទៃពោះ

បានផុស

៥ years មុន

នៅ

ថ្ងៃសៅរ៍ ១៩ មិថុនា ២០២១

ដោយ

ជាទូទៅខ្មែរយើងចំណាំហៅថា ព្រាយក្រឡាភ្លើង(Pre-Eclampsia) គឺជាជំងឺមួយដែលអាចកើតមានឡើងតែ ក្នុងអំឡុងពេលស្ត្រីមានផ្ទៃពោះ (គិតបន្ទាប់ពីសប្តាហ៍ទី២០នៃការមានផ្ទៃពោះ) ដោយបង្កឱ្យមានផលប៉ះពាល់ទៅដល់សុខភាពម្តាយ និងទារក។

១) កត្តារួមផ្សំបណ្តាលឲ្យកើតមានជំងឺព្រាយក្រឡាភ្លើង:

-ការលើសសម្ពាធឈាម

-បរិមាណមិនប្រក្រតីនៃប្រូតេអ៊ីននៅក្នុងទឹកនោម

-ខ្វះអាហារូបត្ថម្ភ

-ស្ត្រីមានកូនលើកដំបូង

-ស្ត្រីមានកូនច្រើនហើយញឹក

-ស្ត្រីពរពោះដែលមានអាយុលើសពី៣៥ឆ្នាំ

-ស្ត្រីធ្លាប់មានប្រវត្តកើតជំងឺមុនពេលមានផ្ទៃពោះ(លើសសម្ពាធឈាមរ៉ាំរ៉ៃ ជំងឺទឹកនោមផ្អែម ឬជំងឺតម្រងនោមជាដើម)។

២) រោគសញ្ញាដែលអាចស្តែងចេញ:

– ការឡើងហើម នៃប្រអប់ដៃ, ប្រអប់ជើងមុខ និងផ្នែកផ្សេងទៀតនៃរាងកាយ

– ប្រកាច់និងកន្ត្រាក់

– ឈឺក្បាលបែបប្រកាំង

៣) ផលប៉ះពាល់:

– កូនស្វិត

– កូនកើតមិនគ្រប់ខែ

– កូនស្លាប់ក្នុងពោះ

– វិបត្តិធ្ងន់ធ្ងរអាចធ្វើឲ្យម្តាយឈានទៅដល់ដាច់សរសៃឈាមខួរក្បាល

៤) វិធីការពារ:

– ញ៉ាំអាហារដែលសំបូរទៅដោយជីវជាតិ និងវីតាមីន

– កុំញ៉ាំអាហារដែលមានជាតិប្រៃពេក និងអាហារផ្អាប់ ដូចជាប្រហុក ផ្អក…

– ត្រូវមកធ្វើការពិនិត្យផ្ទៃពោះឲ្យបានទៀងទាត់ជាមួយវេជ្ជបណ្ឌិតឯកទេសសម្ភព ក្នុងការរាវរកសញ្ញាគ្រោះថ្នាក់ដែលគាត់អាចមានដើម្បីអាចធ្វើការព្យាបាល ឬអន្តរាគមន៍វេជ្ជសាស្ត្រទាន់ពេលវេលា។

“ ដើម្បីឲ្យអ្នកម្តាយ និងកូនមានសុខភាពល្អ ប្រាជ្ញាឆ្លាតវៃ ក្រុមការងារវេជ្ជបណ្ឌិត និងឆ្មបជំនាញនៃមន្ទីរពេទ្យកាល់ម៉ែត សំណូមពរអោយអ្នកមា្តយគ្រប់រូបត្រូវធ្វើការពិនិត្យសុខភាពឲ្យបានត្រឹមត្រូវជាមួយគ្រូពេទ្យជំនាញ ព្រមទាំងជ្រើសរើសអាហារបរិភោគ ដែលប្រកបដោយផាសុកភាពទាំងក្នុងអំឡុងពេលមានផ្ទៃពោះ និងពេលបំបៅដោះកូន ”៕

អត្ថបទ៖ រស្មី

សូមចុចអាន៖ ការឆ្លុះក្រពះពោះវៀន ដើម្បីរកជំងឺមហារីកក្រពះពោះវៀន ក្នុងដំណាក់កាលដំបូង

Related Topics:ស្ដ្រីមានផ្ទៃពោះ