ព័ត៌មានជាតិ
បិទផ្សារស្ទឹងហាវនិងផ្សារកោងកាងរយៈពេល១៤ថ្ងៃ ក្រោយមានផ្ទុះជំងឺកូវីដ១៩
អាជ្ញាធរខេត្តព្រះសីហនុ បានសម្រេចបិទបណ្ដោះអាសន្ននូវអាជីវកម្មលក់ដូរទាំងអស់នៅក្នុងផ្សារស្ទឹងហាវនិងផ្សារកោងកាងស្ថិតនៅក្នុងឃុំទំនប់រលកស្រុកស្ទឹងហាវខេត្តព្រះសីហនុនារយៈពេល១៤ថ្ងៃចាប់ពីថ្ងៃទី២៣ ខែមិថុនាដល់ថ្ងៃទី៦ខែកក្កដា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ១៩។
បើតាមលោក អភិបាលខេត្តព្រះសីហនុបានលើកឡើងនៅក្នុងសេចក្តីជូនដំណឹងថា ក្នុងអំឡុងពេលផ្អាកជាបណ្ដោះអាសន្នអាជីវកម្មលក់ដូរទាំងអស់នៅក្នុងផ្សារស្ទឹងហាវនិងផ្សារកោងកាងរដ្ឋបាលខេត្តព្រះសីហនុលើកទឹកចិត្តបងប្អូនអាជីវករទាំងអស់ត្រូវលក់ដូរគ្រឿងឧបភោគបរិភោគតាមផ្សារម៉ាត ឬ ផ្សារទំនើបឬការលក់ដូរនៅតាមលំនៅឋានឬ នៅតាមទីតាំងលក់ដូរដែលមានការរៀបរយផ្សេងទៀតដោយត្រូវអនុវត្តតាមស្តង់ដារសុវត្ថិភាពរបស់រដ្ឋបាលខេត្តសីហនុ។
លោកអភិបាលខេត្តបានបន្តថា ចំពោះបងប្អូនអាជីវករទាំងអស់នៅផ្សារស្ទឹងហាវនិងផ្សារកោងកាងដែលមានការពាក់ព័ន្ធជាមួយនឹងជំងឺកូវីដ១៩ ឬមានស្ថានភាពសុខភាពមានការប្រែប្រួលដោយមានការសង្ស័យអំពីការឆ្លងជំងឺកូវីដ១៩ ត្រូវប្រញាប់ទំនាក់ទំនងទៅទៅអាជ្ញាធរមូលដ្ឋានដែលនៅជិតបំផុតឬមន្ទីរសុខាភិបាលខេត្ត ឬ មន្ទីរពេទ្យបង្អែកខេត្តដើម្បីគ្រូពេទ្យចុះយកសំណាកទៅវិភាគរកជំងឺកូវីដ១៩។
លោកអភិបាលខេត្តបានបន្ថែមថា ក្រោយពេលបានផ្ដល់វត្ថុសំណាកជូនក្រុមគ្រួសាររួចរាល់បងប្អូនអាជីវករព្រមទាំងក្រុមគ្រួសារអ្នកពាក់ព័ន្ធត្រូវប្រតិបត្តិឱ្យបានត្រឹមត្រូវតាមការណែនាំរបស់ក្រសួងសុខាភិបាលអនុវត្តឱ្យបានខ្ជាប់ខ្ជួននូវកាតព្វកិច្ចពាក់ម៉ាសនិងកាតព្វកិច្ចរក្សាគម្លាតសុវត្ថិភាពជាពិសេសអនុវត្តបានម៉ឺងម៉ាត់បំផុតនូវវិធានការ ៣កុំ៣ការពាររបស់សម្ដេចនាយករដ្ឋមន្ត្រី។
លោកអភិបាលខេត្តបានព្រមានថា ចំពោះបុគ្គលណាដែលមិនអនុវត្តតាមការណែនាំខាងលើត្រូវទទួលទោសដូចមានកំណត់ក្នុងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវី១៩ នឹងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតនិងលិខិតបទដ្ឋានគតិយុត្តិពាក់ព័ន្ធជាធរមាន៕
ដោយ ៖ សំអឿន
-
ព័ត៌មានជាតិ៥ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៦ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច១ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ២ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៥ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៦ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៥ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ៥ ថ្ងៃ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង