កីឡា

កម្ពុជា ឈ្នះមេដាយមាស ២ និងសំរិទ្ធ ១ ពីការប្រកួតជឺជីតស៊ូជើងឯកអាស៊ី ម្សិលមិញ

បានផុស

២១ នាទី មុន

នៅ

ថ្ងៃសុក្រ ១៧ កក្កដា ២០២៦

ដោយ

កីឡាករ និងកីឡាការិនីជឺជីតស៊ូជម្រើសជាតិកម្ពុជា បានឈ្នះមេដាយ ៣ គ្រឿងពីការប្រកួតកីឡាជឺជីតស៊ូយុវជនអាស៊ីអាយុ ក្រោម ២១ ឆ្នាំ ឆ្នាំ ២០២៦ នៅប្រទេសកាហ្សាស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី១៦ ខែកក្កដា ឆ្នាំ ២០២៦ កីឡាការិនី ទឹន សុវណ្ណបួរកែវ និង កីឡាការិនី ហេង សៀវហ៊ាង ឈ្នះមេដាយមាស ១ គ្រឿង លើវិញ្ញាសាគូនារីនារីអាយុក្រោម ២១ឆ្នាំ។ កីឡាការិនីទាំងពីរបានឈ្នះមេដាយ មេដាយមាស ១ គ្រឿងទៀតសម្រាប់ វិញ្ញាសាគូនារីអាយុក្រោម ២១ឆ្នាំដែរ។

ជាមួយគ្នានេះ កីឡាករ សរ សុផានុត បានឈ្នះមេដាយសំរិទ្ធ ១ គ្រឿង លើវិញ្ញាសាឯកត្តជនបុរសប្រយុទ្ធ អាយុក្រោម ២១ឆ្នាំ ទម្ងន់-៦៩គីឡូក្រាម។ ការប្រកួតនឹងបញ្ចប់នៅថ្ងៃទី១៩ ខែកក្កដា ឆ្នាំ ២០២៦ ដូច្នេះក្រុមកីឡាករ កីឡាការិនីកម្ពុជានៅមានឱកាសទទួលបានមេដាយបន្ថែមទៀត។

សូមបញ្ជាក់ថា សហព័ន្ធកីឡាជឺជីតស៊ូកម្ពុជា បានបញ្ជូនកីឡាករ កីឡាការិនី ១៤ នាក់ គ្រូបង្វឹក ២ នាក់ និងមន្ត្រីកីឡា ៨ នាក់ ចូលរួមប្រកួតកីឡាជឺជីតស៊ូ យុវជនអាយុក្រោម ២១ ឆ្នាំ ចាប់ពីថ្ងៃទី១៣ ដល់ថ្ងៃទី១៩ ខែកក្កដា ឆ្នាំ ២០២៦ នៅប្រទេសកាហ្សាស្ថាន៕