ព័ត៌មានអន្ដរជាតិ
លោក ត្រាំ ផ្ទុះកំហឹង ចំពោះ លោក ណេតាន់យ៉ាហ៊ូ ក្រោយរិះគន់អាមេរិក ករណីលក់អាវុធឱ្យតួកគី
បើទោះបីទំនាក់ទំនងសហរដ្ឋអាមេរិក-អ៊ីស្រាអែលមានភាពល្អប្រសើរវិញ ហើយអាមេរិកមិនដែលប្រតិកម្មលើអ៊ីស្រាអែល ចំពោះការឈ្លានពានប្រទេសទន់ខ្សោយដូចជាលីបង់ តែកាលពីម្សិលមិញ ប្រធានាធិបតីអាមេរិក លោក ដូណាល់ ត្រាំ សម្តែងការខឹងសម្បារយ៉ាងខ្លាំង ចំពោះការរិះគន់ជាសាធារណៈរបស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ លើសំណើនៃការលក់យន្តហោះចម្បាំង F-35 របស់សហរដ្ឋអាមេរិកទៅឱ្យប្រទេសតួកគី។ នេះបើយោងតាមការចុះផ្សាយរបស់ព័ត៌មាន Axios កាលពីថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ ។
ដោយដកស្រង់សម្តីមន្ត្រីសេតវិមានពីររូបលើកឡើងថា៖ « សហរដ្ឋអាមេរិកមិនមានកិច្ចប្រជុំណាមួយត្រូវបានគ្រោងទុកទេ ទោះបីជាមានប្រព័ន្ធផ្សព្វផ្សាយអ៊ីស្រាអែលលើកឡើងថា លោក ត្រាំ នឹងធ្វើជាម្ចាស់ផ្ទះទទួល លោក ណេតាន់យ៉ាហ៊ូ នៅថ្ងៃចន្ទក៏ដោយ»។
មន្ត្រីម្នាក់លើកឡើងថា លោក ត្រាំ មានការខឹងសម្បារ ចំពោះការកត់សម្គាល់របស់ លោក ណេតាន់យ៉ាហ៊ូ អំឡុងផ្តល់សម្ភាសន៍ជាមួយសារព័ត៌មាន Fox News រឿងរិះគន់អាមេរិក មិនយូរប៉ុន្មាន មុនពេលប្រធានាធិបតីអាមេរិកធ្វើដំណើរទៅកាន់ទីក្រុងអង់ការ៉ា សម្រាប់កិច្ចប្រជុំកំពូលណាតូ កាលពីថ្ងៃទី៧-៨ ខែកក្កដា។
មន្ត្រីម្នាក់ទៀតនិយាយថា លោក ត្រាំ ជឿថា លោក ណេតាន់យ៉ាហ៊ូ គ្មានសិទ្ធិជ្រៀតជ្រែកក្នុងសំណើលក់អាវុធនោះទេ។ ប្រព័ន្ធផ្សព្វផ្សាយអ៊ីស្រាអែលផ្សាយថា នាយករដ្ឋមន្ត្រីអ៊ីស្រាអែល បានស្វែងរកការជួបជាមួយ លោក ត្រាំ អស់រយៈពេលជាងពីរសប្តាហ៍មកហើយ។
មិនតែប៉ុណ្ណោះ លោក ណេតាន់យ៉ាហ៊ូ មានគម្រោងធ្វើដំណើរទៅកាន់ទីក្រុងវ៉ាស៊ីនតោននៅចុងសប្តាហ៍នេះ ដើម្បីចូលរួមពិធីបុណ្យសពរបស់សមាជិកព្រឹទ្ធសភា លោក Lindsey Graham និងជួបជាមួយ លោក ត្រាំ នៅថ្ងៃចន្ទ។
ការិយាល័យរបស់ លោក ណេតាន់យ៉ាហ៊ូ ថ្លែងក្នុងសេចក្តីថ្លែងការណ៍មួយថា ដំណើរទស្សនកិច្ចនោះត្រូវបានលុបចោលកាលពីថ្ងៃព្រហស្បតិ៍ បន្ទាប់ពីពិធីបុណ្យសពរបស់ លោក Graham ត្រូវបានពន្យារពេល។
មន្ត្រីសេតវិមានពីររូបនិយាយថា លោក ណេតាន់យ៉ាហ៊ូ ចង់ជួប លោក ត្រាំ ប៉ុន្តែមិនមានកិច្ចប្រជុំណាមួយត្រូវបានបញ្ជាក់ ឬដាក់ក្នុងកាលវិភាគរបស់ប្រធានាធិបតីនោះទេ៕
សម្រួល៖ ណឺ មិនា
-
កីឡា៣ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ១ សប្តាហ៍ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៩ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ១ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានអន្ដរជាតិ៤ ម៉ោង agoអស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា២ ថ្ងៃ agoអាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026