ព័ត៌មានជាតិ

ប្រើដុំឥដ្ឋគប់គូរបដិបក្ខដើម្បីសងសឹកជួសមិត្ត ត្រូវប៉ូលិសចាប់ខ្លួន

បានផុស

៥ years មុន

នៅ

ថ្ងៃអង្គារ ២៩ មិថុនា ២០២១

ដោយ

បាត់ដំបង ៖ ក្មេងទំនើងចំនួន៣នាក់ ត្រូវបានសមត្ថកិច្ចចាប់ខ្លួន បន្ទាប់ពីពួកគេបានប្រើដុំឥដ្ឋគប់ទៅលើជនរងគ្រោះដើម្បីសងសឹកជួសមិត្ត។

លោក សេង លុច អធិការនគរបាលស្រុកថ្មគោល បានបញ្ជាក់ថា កាលពីថ្ងៃទី ២៨ខែមិថុនាឆ្នាំ២០២១ នៅវេលាម៉ោង ១១ និង ២០នាទី យប់ នៅចំណុចមុខវិទ្យាល័យរូងជ្រៃ ក្នុងក្រុម៣៣ភូមិប្រគាបឃុំរូងជ្រៃ ស្រុកថ្មគោល មានករណីបទហិង្សាដោយ ចេតនាមានមានស្ថានទម្ងន់ទោស មួយកើតឡើងដែលបង្កដោយជនសង្ស័យ០១ក្រុមអត់ស្គាល់អត្តសញ្ញាណបានយកដុំឥដ្ឋគប់ទៅលើជនរងគ្រោះឈ្មោះ ដុង តុលា ភេទប្រុស អាយុ៣២ឆ្នាំរស់នៅភូមិកោះរាម ឃុំខ្នាចរមាសស្រុកបវេល ខេត្តបាត់ដំបងបណ្ដាលឲ្យរងរបួស ត្រង់ប្រអប់ដៃខាងស្តាំនិងស្មង ជើងខាងស្តាំ (របួសធ្ងន់) ក្នុងពេលជនរងគ្រោះជិៈម៉ូតូមកពីថ្មគោលទៅឃុំខ្នាចរមាស។

លោកអធិការបានបន្តថា ក្រោយពីកើតហេតុជនសង្ស័យបានគេចខ្លួនបាត់ លោកបានចាត់កម្លាំងជំនាញនិងកម្លាំងនគរបាលប៉ុស្តិ៍រូងជ្រៃបានចុះទៅដល់កន្លែងកើតហេតុធ្វើការស៊ើបអង្កេតស្រាវជ្រាវរហូតដល់ថ្ងៃទី២៩ ខែ ឆ្នាំ ដដែល វេលាម៉ោង១០ ព្រឹក កម្លាំងបានឃាត់ខ្លួនជនសង្ស័យចំនួន០៣នាក់ ០១.ឈ្មោះ ប៉ី ពីន ភេទប្រុសអាយុ២០ឆ្នាំរស់នៅភូមិប្រគាប ឃុំរូងជ្រៃ ស្រុកថ្មគោល(ជនដៃដល់)០២.ឈ្មោះ សម័យ វិមានភូ ភេទប្រុសអាយុ១៧ឆ្នាំរស់នៅភូមិប្រគាប ឃុំរូងជ្រៃ ស្រុកថ្មគោល(គូរកន) ០៣.ឈ្មោះ ចៀម ប៊ុនណាត់ ភេទប្រុស អាយុ១៨ឆ្នាំរស់នៅភូមិព្រៃសង្ហា ឃុំខ្នាចរមាស ស្រុកបវេល(គូរកន)បញ្ជូនមកកាន់អធិការដ្ឋាននគរបាលស្រុកថ្មគោល ដើម្បីសាកសួរ។

ក្រោយពីធ្វើការសាកសួរជនសង្ស័យបានឆ្លើយសារភាពថា ខ្លួននិងបក្សពួកពិតជាបានធ្វើសកម្មភាពយកដុំឥដ្ឋគប់ទៅលើជនរងគ្រោះឈ្មោះ ដុង តុលា ពិតប្រាកដមែនមូលហេតុមិត្តភក្តិឆាតតាមទូរសព្ទប្រាប់ថា មានគេវាយខ្លួនតាមដងផ្លូវទើបពួកខ្លួនសងសឹកវិញ៕

ដោយ ៖ សោ និយមរ័ត្ន

Related Topics:អំពើហិង្សា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា