ព័ត៌មានជាតិ

ឆ្លងច្រើនថ្ងៃជាប់គ្នា ថ្ងៃនេះប្រកាសឆ្លងជិតមួយពាន់នាក់ទៀត

បានផុស

៥ years មុន

នៅ

ថ្ងៃអង្គារ ៦ កក្កដា ២០២១

ដោយ

ក្រសួងសុខាភិបាលបានប្រកាសរកឃើញ ករណីឆ្លងថ្មី ៩៣៥ នាក់ទៀត នៅថ្ងៃនេះ ស្លាប់ ៣១ នាក់ និងជាសះស្បើយ ៦៥៤ នាក់។

ជំងឺកូវីដបានផ្ទុះរាលដាលទូទាំងប្រទេស ហើយខេត្តជាច្រើនមានតួលេខអ្នកឆ្លងខ្ពស់ រហូតដល់ខេត្តខ្លះខ្វះកន្លែងសម្រាប់ដាក់ព្យាបាលអ្នកឆ្លងកូវីដ។

បើតាមលោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង បានឲ្យដឹងថា អគារមន្ទីរពេទ្យខេត្ត បន្ទប់សាលាបឋមសិក្សា អនុវិទ្យាល័យ និងវិទ្យាល័យទូទាំងខេត្ត ដែលយកមកធ្វើជាកន្លែង សម្រាប់ព្យាបាលអ្នកជំងឺកូវីដ-១៩បានពេញកន្លែងអស់ ហើយពុំអាចដាក់អ្នកឆ្លងថ្មី ដែលទើបរកឃើញបាននៅឡើយទេ ខណៈកន្លែងសម្រាប់អ្នកធ្វើចត្តាឡីស័ក ក៏បានពេញដូចគ្នា។

ដោយឡែកនៅរាជធានីភ្នំពេញ នៅតាមកន្លែងសម្រាកព្យាបាលក៏កកកុញដោយអ្នកជំងឺ។ បើតាមអាជ្ញាធរ មានអ្នកជំងឺកូវីដជាង ៣០០ នាក់ត្រូវបានអនុញ្ញាតិឲ្យសម្រាកព្យាបាលនៅផ្ទះ ដោយសារតែទីតាំងព្យាបាលមានអ្នកជំងឺកកកុញ។

គិតត្រឹមព្រឹក ថ្ងៃទី៦ ខែកក្កដា ឆ្នាំ២០២១ ប្រទេសកម្ពុជាមានតួលេខអ្នកឆ្លងសរុប ៥៦ ១២២ នាក់ ស្លាប់ ៧៧៩ នាក់ និងអ្នកជាសះស្បើយ ៥៦ ១២២ នាក់។

តួលេខចុងក្រោយនេះ កម្ពុជាបានរកឃើញករណីឆ្លងថ្មីមួយថ្ងៃជាង ១ ពាន់នាក់ ជាស្ថានភាពដ៏គួរឲ្យបារម្ភ។ មន្រ្តីក្រសួងសុខាភិបាលបានបញ្ជាក់ថា ប្រទេសកម្ពុជាបានឈានមកដល់បន្ទាត់ក្រហមដែលត្រូវប្រុងប្រយ័ត្ន បើស្ថានភាពនៅតែបន្ត អាចធ្វើឲ្យប្រព័ន្ធសុខាភិបាលដួលរលំ៕

អត្ថបទ៖ ប៊ុណ្ណារ៉ា

Related Topics:កូវីដ-១៩

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា