ព័ត៌មានជាតិ

បិទផ្សារធំៗចំនួនពីរ នៅស្រុកមង្គលបូរី និងក្រុងប៉ោយប៉ែត ក្រោយរកឃើញអ្នកវិជ្ជមានជំងឺកូវីដ-១៩

បានផុស

៥ years មុន

នៅ

ថ្ងៃអង្គារ ៦ កក្កដា ២០២១

ដោយ

ដោយសារតែមានការផ្ទុះឆ្លងរាលដាលខ្លាំងទៅៗ នៅខេត្តបន្ទាយមានជ័យ មួយរយៈចុងក្រោយនេះ ជាពិសេសក្រុងសិរីសោភ័ណ និងក្រុងប៉ោយប៉ែត នៅរសៀលថ្ងៃទី៦ ខែកក្តដា ឆ្នាំ២០២១នេះ បានរកឃើញអាជីវករលក់ដូរនៅផ្សារមង្គលបូរី និងផ្សារផ្សារកណ្តាល(ផ្សារថ្មី)ធ្វើឲ្យអាជ្ញាធរចុះបិទផ្សារទាំងពីរតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីជូនដំណឹងរបស់លោកអភិបាលស្រុកមង្គលបូរី នៅរសៀលថ្ងៃទី៦ ខែកក្តដា ឆ្នាំ២០២១ បានជូនដំណឹងថា រដ្ឋបាលស្រុកមង្គលបូរី សូមធ្វើការបិទផ្សារមង្គលបូរី និងផ្ទះល្វែង ឃុំប្ញស្សីក្រោក ស្រុកមង្គលបូរី ទាំងស្រុង ព្រោះអាជីវករលក់ដូរនៅផ្សារមង្គលបូរី រកឃើញករណីឆ្លងកូវីដ១៩ ចំនួន៣នាក់ ហើយដូចនេះ អ្នកប៉ះពាល់ផ្ទាល់ជាមួយពួកគាត់ សូមមកធ្វើសំណាក ជាបន្ទាន់ នៅបរិវេណវត្តប្ញស្សីក្រោក ។ ការបិទនេះផងដែរ លោកក៏សូមអាជីវករមេត្តាយោគយល់។

ដោយឡែក លោក គាត ហ៊ុល អភិបាលក្រុងប៉ោយប៉ែតដឹកនាំក្រុមការងារ អាជ្ញាធរមូលដ្ឋាន ក្រុមការងារចម្រុះ ចុះរុំព័ទ្ធបិទខ្ទប់ទីតាំង ផ្សារកណ្ដាល ( ផ្សារថ្មី ) ក្រោយរកឃើញ អ្នកវិជ្ជមាន កូវីដ១៩។

សូមបញ្ជក់ថា យោងតាមសេចក្តីប្រកាសព័ត៌មានរបស់រដ្ឋបាលខេត្តបន្ទាយមានជ័យ នៅថ្ងៃទី៦ខែកក្តដា ឆ្នាំ២០២១ បានឲ្យដឹងថា រកឃើញអ្នកវិជ្ជមានកូវីដ១៩ ចំនួន១០៦ទៀត នៅថ្ងៃទី៥កក្តដា និងមានអ្នកជាសះស្បើយ ចំនួន២២នាក់ នៅថ្ងៃទី៦កក្តដានេះ៕

អត្ថបទ៖ អពៅ

Related Topics:កូវីដ-១៩ ក្រុងប៉ោយប៉ែត

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា