អត្តពលិកកម្ពុជានឹងប្រកួតចាប់ពីថ្ងៃស្អែកទៅ នៅអូឡាំពិកតូក្យូ

អត្តពលិកអូឡាំពិកកម្ពជា ចាប់ពីស្អែក នេះទៅ នឹងត្រូវចូលរួមប្រជែងរកមេដាយហើយ នៅក្នុងព្រឹត្តិការណ៍ “Tokyo Olym pic Games 2020”។

លោក វ៉ាត់ ចំរើន នាយបេសកកម្មក្ពុជាសម្រាប់ព្រឹត្តិការណ៍អូឡាំពិករដូវក្ដៅនាទីក្រុងតូក្យូបានបញ្ជាក់ឲ្យដឹងថា កីឡាករ កីឡាការិនីហែលទឹកកម្ពុជា នឹងត្រូវប្រកួតលើវិញ្ញាសាហែលទឹកចម្ងាយ៥០ម៉ែត្រ
របៀបសេរីទាំង២រូប ដោយត្រូវប្រកួតនៅវេលាម៉ោង១៩យប់ ថ្ងៃទី៣០ ខែកក្កដានេះ។
គួរបញ្ជាក់ថា កម្ពុជាបានបញ្ជូនកីឡា ហែលទឹក២រូបទៅចូលរួមប្រកួត គឺកីឡាករ ហែម ប៉ុច និង កីឡាការិនី ឃឿន ប៊ុនពេជ្រមរកត។

ចំពោះប្រភេទកីឡាអត្តពលកម្មវិញ្ញាសារត់ល្បឿន១០០ម៉ែត្រ កីឡាករ ប៉ែន សុគង់ វិញនឹងប្រកួតនៅវេលាម៉ោង១៩ និង៤៥នាទី ថ្ងៃទី៣១កក្កដា។
លោក វ៉ាត់ ចំរើន បានអំពាវនាវដល់ប្រជាជនកម្ពុជាចូលរួមទស្សនាការប្រកួតរបស់កីឡាករ កីឡាការិនីតាមរយៈទូរទស្សន៍ ដើម្បីលើកទឹកចិត្តដល់កីឡាករ កីឡា ការិនីកម្ពុជា៕

អត្ថបទ៖ វិសិទ្ធ