ព័ត៌មានជាតិ
ទូតចិនប្រចាំកម្ពុជា៖ ប្រទេសខ្លះមិនខំទប់ស្កាត់កូវីដ១៩ បែរជាប្រឹងរកប្រភពដើម ធ្វើឈ្នាន់នយោបាយទៅវិញ
ឯកអគ្គរដ្ឋទូតចិនប្រចាំកម្ពុជា លោក វ៉ាង វិនធាន (WANG Wentian) បានថ្លែងថា វីរុសកូវីដ១៩ ប្រៀបបាននឹងកញ្ចក់មួយផ្ទាំង ដែលអាចឆ្លុះបង្ហាញរូបភាពផ្សេងៗគ្នានៅលើពិភពលោក។ប្រទេសខ្លះបង្ហាញអំពីការរួមសុខរួមទុក្ខ ចំណែកប្រទេសមួយចំនួនទៀត មិនខ្វល់ខ្វាយដល់សុខ សុវត្ថិភាពរបស់ប្រជាជនខ្លួនឯង និងស្ថានភាពទូទៅនៃការប្រយុទ្ធប្រឆាំង នៃវីរុសនៅទូទាំងសាកលលោក បែរជាទៅយកបញ្ហាស្វែងរកប្រភពដើម នៃវីរុសធ្វើជាឈ្នាន់នយោបាយទៅវិញ។
លោក WANG Wentian លើកឡើងនៅក្នុងពិធីប្រគល់ ទទួលវ៉ាក់សាំង ស៊ីណូហ្វាម ដែលជាអំណោយពីរដ្ឋាភិបាល និងប្រជាជនសាធារណរដ្ឋចិន ជូនកម្ពុជា ដើម្បីទប់ស្កាត់ការរីករាលដាលនៃជំងឺកូវីដ១៩ នៅថ្ងៃទី ២៣ ខែសីហា ឆ្នាំ ២០២១។
ឯកអគ្គរដ្ឋទូតចិនបានបន្ថែមថា សកម្មភាពរបស់ប្រទេសទាំងនោះ ប្រៀបដូចជាយកដុំថ្មមកទម្លាក់លើជើងខ្លួនឯងអញ្ចឹង។
លោក WANG Wentian បានថ្លែងទៀតថា ចិនមានសុភាសិតមួយពោលថា “បើនិយាយត្រូវតែធ្វើ បើធ្វើត្រូវតែមានលទ្ធផល ខ្ញុំធ្លាប់តែលើកឡើងថា ដរាបណាជំងឺកូវីដ១៩ នៅកម្ពុជាមិនទាន់បញ្ចប់ការផ្ដល់ជំនួយរបស់ចិនមកកម្ពុជា ក៏មិនអាចបញ្ចប់ដែរ”។
រដ្ឋាភិបាល និងកងទ័ពចិនក៏បានបង្កើតកិច្ចខិតខំប្រឹងប្រែងការផ្ដល់ជំនួយជាវ៉ាក់សាំង និងសម្ភារទប់ស្កាត់ជំងឺកូវីដ១៩ ជូនដល់ប្រទេសកម្ពុជា ដើម្បីជួយសម្រួលដល់កម្ពុជា ក្នុងការប្រយុទ្ធប្រឆាំង នឹងជំងឺកូវីដ១៩ ឱ្យអស់លទ្ធភាព។
លោកបន្ថែមទៀតថា វីរុសកូវីដ១៩ ប្រៀបដូចជាកញ្ចក់មួយផ្ទាំងដែលអាចឆ្លុះបញ្ចាំងរូបភាពផ្សេងៗ នៅលើពិភពលោក។
បើតាម លោក លោក WANG Wentianប្រឈមមុខ និងស្ថានភាពដ៍ស្មុគស្មាញ និងជំងឺវីរុស ចិនតែងតែប្រកាន់ភ្ជាប់ នៃគំនិត សហគមសុខាភិបាល មនុស្សជាតិ និងអាកប្បកិរិយាវិទ្យាសាស្ត្រ ប្រឆាំងដាច់ខាត ការយកបញ្ហាស្វែងរកប្រភពដើមនៃវីរុស ធ្វើនយោបាយ ហើយចិននឹងបន្តខិតខំប្រឹងប្រែងអស់ពីលទ្ធភាព ដើម្បីជួយដល់ប្រទេសកំពុងអភិវឌ្ឍន៍ក្នុងការទប់ស្កាត់ជំងឺវីរុស រួមចំណែកជាកម្លាំងក្នុងការទប់ស្កាត់វីរុសជូនដល់មនុស្សជាតិ។
គិតមកដល់ពេលនេះ ជំនួយវ៉ាក់សាំង ដែលចិនផ្ដល់មកម្ពុជាមានចំនួន ៣.៧ លានដូស ដែលជាការសន្យាសម្រាប់បង្កើតភាពស៊ាំ ដល់ប្រទេសកម្ពុជា ហើយវ៉ាក់សាំងកូវីដ១៩បានដើរតួនាទីដ៍សំខាន់សម្រាប់ការពារអាយុជីវិតប្រជាជន៕
អត្ថបទ៖ ឡេង ដេត
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»