ជីវិតកម្សាន្ដ

ពែកមី បញ្ជាក់រឿងភរិយាត្រូវវិញ្ញាណចូលសណ្ឋិត បន្ទាប់មានការរិះគន់

បានផុស

៥ years មុន

នៅ

ថ្ងៃចន្ទ ១១ តុលា ២០២១

ដោយ

ទស្សនិកជនមានការភ្ញាក់ផ្អើលនិងចាប់អារម្មណ៍ខ្លាំងក្រោយតារាកំប្លែងល្បីឈ្មោះនាយ ពែកមី បានបង្ហោះថា ភរិយារបស់ខ្លួនត្រូវបានវិញ្ញាណមនុស្សប្រុសចូលសណ្ឋិតពេលត្រឡប់មកពីស្រុកកំណើត ខេត្តស្វាយរៀង។

បន្ទាប់ពីមានការបង្ហោះពីសំណាក់តារាកំប្លែងនាយ ពែកមី ជុំវិញរឿងរ៉ាវអប្បិយជំនឿនេះដែរ ក៏មានមហា ជនខ្លះបានធ្វើការចូលសួរនាំចង់ដឹងពីដើមហេតុនៃបញ្ហានេះ ខណ:មានខ្លះទៀតបានរិះគន់ថា ជារឿងមិនពិតរហូតមានការជេប្រមាថផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយបង្ហោះភ្ជាប់នឹងវីដេអូបង្ហាញពីទិដ្ឋភាពជាក់ស្តែងនោះ នាយ ពែកមី បានរៀបរាប់ថា ”ដោយសារមានបងប្អូនជេរខ្ញុំ រឿងខ្ញុំទៅរកគ្រូនិងព្រះសង្ឃស្រោចទឹកថាខ្ញុំអប្បិយជំនឿ។ ដូចនេះខ្ញុំសុំផុសវីដេអូមូលហេតុដែលខ្ញុំទៅរកព្រះសង្ឃ និងគ្រូ គឺមកពីប្រពន្ធខ្ញុំមានវិញ្ញាណមនុស្សប្រុសចូលក្នុងខ្លួនគាត់។

នាយ ពែកមី បានលើកឡើងថា មុនពេលដែលប្រពន្ធលោកមានអាការ:ប្លែក(វិញ្ញាណសណ្ឋិត)នោះ គឺភរិយានាយបានទៅបេះផ្លែឈើព្រៃម្យ៉ាងនៅភូមិចាស់១កន្លែងក្បែរផ្ទះម្តាយនៅឯស្រុកកំណើត។ ប៉ុន្តែក្រោយត្រឡប់មកវិញក៏ស្រាប់តែមានសភាពខុសប្លែករហូតជិះឡានមកដល់ភ្នំពេញវិញតែម្តង៕

អត្ថបទ៖ ចាន់រ៉ា