ពែកមី បន្តប្រើសំឡេងសិល្បករ អំពាវនាវពលរដ្ឋខ្មែររួមសាមគ្គីគ្នា កុំជឿតាមការញុះញង់ឱ្យខ្មែឈ្លោះគ្នាឯង​

តារាកំប្លែងល្បីឈ្មោះលោក ចែម ចាន់រ៉ា ហៅ ពែកមី បានចេញមុខអំពាវនាវជាថ្មីដល់បងប្អូនប្រជា ពលរដ្ឋនិងមហាជនខ្មែរទូទាំងប្រទេសត្រូវបន្តរួមសាមគ្គីគ្នាជាធ្លុងមួយដោយកុំជឿតាមការញុះញង់ឱ្យខ្មែឈ្លោះគ្នាឯង​ពីសំណាក់ក្រុមអគតិមួយក្តាប់តូចនៅក្រៅប្រទេស។

នាយ ពែកមី បានអំពាវនាវដូច្នេះស្របពេលដែលប្រទេសកម្ពុជាត្រូវបានសៀម ធ្វើការវាយប្រហារដោយយោធាមុនមកលើកម្ពុជា នៅតាមតំបន់ព្រំដែនខ្មែរ-ថៃ កាលពីថ្ងៃទី២៤ ខែកក្កដា ឆ្នាំ២០២៥ ហើយបើទោះជាមានបទឈប់បាញ់បានចូលជាធរមានតាំងពីរាត្រីថ្ងៃ ទី២៨ខែកក្កដា ក្រោមការផ្ដួចផ្ដើមគំនិតរបស់ប្រធានាធិបតីអាមេរិក​ Donald Trump ប៉ុន្ដែមកដល់ពេលនេះយោធាថៃនៅតែបន្ដផ្គើមឈ្លានពានលើព្រំដែនខ្មែរ។

រឿងកាន់តែហួសចិត្តថែមទៀត ខណ:ប្រទេសកម្ពុជាកំពុងប្រឈមការឈ្លានពានពីសំណាក់ចោកសៀមក៏មានក្រុមអ្នកនយោបាយនិង ក្រុមអគតិមួយក្តាប់តូចនៅក្រៅប្រទេសបង្កើតរឿងចង់ឲ្យខ្មែរឈ្លោះគ្នាទៀត ផង។ ដោយឃើញទង្វើរនេះតារាកំប្លែងនាយ ពែកមី បានស្នើយ៉ាងទទូចដល់បងប្អូនខ្មែរយេីងរួមសាមគ្គីគ្នាជាធ្លុងតែមួយ។

នាយ ពែកមី បានឲ្យដឹងថា”ប្រទេសកំពុងមានសង្គ្រាមជាមួយសៀមកងទព័កំពុងត្រៀមប្រយុទ្ធការពារ​ទឹក ដីបងប្អូនតាមព្រំដែនកំពុងភៀសសឹកសូមបងប្អូនខ្មែរយេីងសាមគ្គីគ្នាបន្តទៀត សូមកុំជឿតាមការញុះញុងឱ្យខ្មែឈ្លោះគ្នាឯង​បែកបាក់សាមគ្គី​គ្នា”។ ជាការពិតកន្លងមក នាយ ពែកមី ក៏ធ្លាប់បង្ហាញបំណងដោយចង់ឃើញខ្មែរគ្រប់និន្នាការនយោបាយទាំងអស់រួមរួមគ្នាជាធ្លុងមួយត្របាញ់ចូលគ្នាជាធ្លុងមួយដើម្បីផលប្រយោជន៍ជាតិកំចាត់ខ្មាំងសត្រូវដែលឈ្លានពានទឹកដី ៕ ចាន់រ៉ា