ព័ត៌មានជាតិ
លោកជំទាវ ម៉ែន សំអន ចាត់តំណាងយកថវិកាជូនលោកស្រី ស៊ី តូន ដែលមានជំងឺមិនគួរឲ្យជឿ
ក្រោយពីមានការចុះផ្សាយតាមបណ្តាញសារព័ត៌មានចំពោះសុខភាពរបស់លោកស្រី ស៊ី តូន ប្រធានក្រុមប្រឹក្សាសង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ដែលមានជំងឺនឹកស្មានមិនដល់ (បាត់បង់ស្មារតី និងបាត់បង់ការចងចាំ ) លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានសំដែងនូវសេចក្តីសោកស្ដាយ និងនឹកស្មានមិនដល់ទៅជាបែបនេះ។
ទន្ទឹមនឹងសេចក្តីអាណិត និងសោកស្តាយនេះ នៅព្រឹកថ្ងៃច័ន្ទ ទី១១ ខែតុលា ឆ្នាំ២០២១ លោកជំទាវកិត្តិសង្គហបណ្ឌិត ម៉ែន សំអន ក្នុងនាមថ្នាក់ដឹកនាំ នៃគណៈចលនាស្ត្រី គណៈបក្សប្រជាជនកម្ពុជា បានចាត់តាំងលោក ណុប ចាន់ណារិន្ទ រដ្ឋលេខាធិការ និងជាអ្នកនាំពាក្យក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ជាតំណាងនាំយកថវិកាមួយចំនួនឧបត្ថម្ភដល់លោកស្រី ស៊ី តូន ដើម្បីចូលរួមជួយសម្រួលដល់ការព្យាបាល ។
លោក ណុប ចាន់ណារិន្ទ បាននាំមកនូវការផ្តាំផ្ញើសួរសុខទុក្ខ ពីលោកជំទាវ ម៉ែន សំអន និងការជូនពរដល់លោកស្រី ស៊ី តូន បានឆាប់ជាសះស្បើយ និងបរិបូរណ៌ដោយថាមពលខ្លាំងក្លា អាយុយឺនយូរ ។
បើតាមការបញ្ជាក់ពីក្រុមគ្រួសារ និងកូនចៅរបស់លោកស្រី ស៊ី តូន បានឲ្យដឹងថា លោកស្រី ស៊ី តូន បានកើតជំងឺម្យ៉ាងដែលគ្រូពេទ្យអោយឈ្មោះថា ជំងឺ ចាក់ កូ ។ ជំងឺនេះវាធ្វើអោយប្រព័ន្ធខួរក្បាលស្រឹមៗទៅ ភ្លេចការចងចាំ ប៉ុន្តែវាមិនបង្កឱ្យមានការឈឺចាប់នោះទេ។ ជំងឺចាក់កូ ជាជំងឺម្យ៉ាងដែលកម្រនឹងកើតមានណាស់ ពោលគឺក្នុងចំណោមមនុស្ស២លាននាក់លើលោក សឹងមិនទាន់កើតម្នាក់ផង តែបែជាមកកើតលើលោកស្រី ស៊ី តូន ទៅវិញ ។
សូមរំលឹកថា លោកស្រី ស៊ី តូន ជាស្ត្រីឆ្នើមក្នុងសកម្មភាពមហាជន ប្រជាជន និងបានត្រូវប្រជាជនក្នុងមូលដ្ឋានសង្កាត់ផ្សារថ្មី១ បោះឆ្នោតគាំទ្រឲ្យធ្វើជាប្រធានក្រុមប្រឹក្សាសង្កាត់គ្រប់អាណត្តិកន្លងមកនេះ ។
លោកស្រី ស៊ី តូន បានចាប់ផ្តើមមានជំងឺនេះ ក្នុងរយៈពេលជិតមួយខែ ។ ស្វាមីរបស់លោកស្រី ស៊ី តូន គឺលោក ធរ សោ អតីតនាយកមហាវិទ្យាល័យគរុកោសល្យ ( ជិតវិមានឯករាជ្យ ) ។ លោក ធរ សោ ក៏មានជំងឺលើសឈាមខូចមួយចំហៀងខ្លួន អស់រយៈពេលជាង១០ឆ្នាំមកហើយ ដែរ។
បច្ចុប្បន្ន លោកស្រី ស៊ី តូន កំពុងស្នាក់នៅដើម្បីថែទាំសុខភាពនាគេហដ្ឋានរបស់កូន នៅក្បែរទួលក្រសាំងក្រុងតាខ្មៅ ខេត្តកណ្តាល ៕
អត្ថបទ៖ វិមាន
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៧ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម