ព័ត៌មានជាតិ
តំណាង UN នៅកម្ពុជា ចង់ឲ្យមានច្បាប់ទទួលស្គាល់អ្នកស្រឡាញ់ភេទដូចគ្នា
ថ្លែងនៅក្នុងជំនួបពិភាក្សាការងារជាមួយលោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា កាលពីព្រឹកថ្ងៃទី២៥ ខែវិច្ឆិកា ឆ្នាំ២០២១នេះ លោកស្រី ប៉ូលីន តាមេស៊ីស (Pauline Tamesis) អ្នកសម្របសម្រួលអង្គការសហប្រជាជាតិប្រចាំកម្ពុជា ចង់ឲ្យមានការច្បាប់មួយ ដើម្បីទទួលស្គាល់អាពាហ៍ពិពាហ៍រវាងអ្នកស្រឡាញ់ភេទដូចគ្នា ប៉ុន្តែករណីនេះ ត្រូវបានលោក កែវ រ៉េមី បញ្ជាក់ថា មានពាក់ព័ន្ធដល់វប្បធម៌ និងប្រពៃណី ទំនៀមទម្លាប់របស់កម្ពុជា ដែលត្រូវការពេលវេលាសិក្សា។
លោក កត្តា អ៊ន អ្នកនាំពាក្យគណៈកម្មាធិការសិទ្ធិមនុស្សកម្ពុជាបានថ្លែងប្រាប់អ្នកសារព័ត៌មានក្រោយពីជំនួបនោះថា នៅក្នុងជំនួបនោះ ភាគីទាំងពីរបានពិភាក្សាលើបញ្ហាជាច្រើនប្រកបដោយផ្លែផ្កា ហើយទាក់ទងទៅនឹងអ្នកស្រលាញ់ភេទដូចគ្នា បើតាមរបាយការណ៍របស់អង្គការមួយទទួលបន្ទុកអ្នកស្រលាញ់ភេទដូចគ្នាបានអះអាងថា រហូតមកដល់ពេលនេះមានអ្នករៀបការស្រឡាញ់ភេទដូចគ្នាប្រមាណ៨០០គូ។
បើតាមលោក កត្តា អ៊ន នៅកម្ពុជាមានសិទ្ធិស្មើភាពគ្នា ហើយមិនមានច្បាប់ណាមួយរារាំងដល់អ្នកដែលស្រឡាញ់ភេទដូចគ្នារៀបអាពាហ៍ពិពាហ៍នោះឡើយ គឺគាត់អាចរៀបអាពាហ៍ពិពាហ៍ដូចបងប្អូនបុរសនារីធម្មតាដែរ។ គ្រាន់តែថា នៅកម្ពុជាមិនមានច្បាប់ណាមួយទទួលស្គាល់ឲ្យចុះបញ្ជីអាពាហ៍ពិពាហ៍អ្នកដែលស្រឡាញ់ភេទដូចគ្នានេះទេ។
ចំពោះបញ្ហានេះលោកស្រី Pauline Tamesis បានស្នើសុំឲ្យរៀបចំក្រុមការងារចម្រុះមួយ ដែលមានការចូលរួមពីតំណាងរាជរដ្ឋាភិបាល អង្គការសង្គមស៊ីវិល ដើម្បីពិភាក្សាលើបញ្ហានេះ និងទទួលស្គាល់អាពាហ៍ពិពាហ៍របស់ពួកគាត់ ប៉ុន្តែសំណើនេះត្រូវបានលោក កែវ រ៉េមី ទទួលយក ដើម្បីពិនិត្យ និងពិចារណា ពីព្រោះបញ្ហានេះ មានទាក់ទងទៅនឹងសង្គម វប្បធម៌ ប្រពៃណី ក៏ដូចជាបញ្ហាជាច្រើនទៀតរបស់កម្ពុជា។
លោកថា ការបញ្ជ្រាបឲ្យមានការទទួលស្គាល់ពីបុគ្គល ពីគ្រួសារ ក៏ដូចជាសង្គម មិនមែនជាការស្រួលទេ ដូច្នេះការបង្កើតក្រុមការងារចម្រុះដើម្បីពិនិត្យមើលលើបញ្ហានេះ ត្រូវការពិចារណា ត្រូវការពេលវេលា ដើម្បីពិចារណាសិន ដើម្បីសិក្សាស្រាវជ្រាវពីក្របខ័ណ្ឌច្បាប់អន្តរជាតិផ្សេងៗ ក៏ដូចជាបទពិសោធន៍នៅតាមបណ្ដាប្រទេសផ្សេងៗទៀត ថាតើប្រទេសណាខ្លះដែលមានច្បាប់នេះ។
គួររំលឹកថា បើទោះបីជាកម្ពុជាមិនច្បាប់នេះក្តី កន្លងមកលោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជាធ្លាប់បានប្រាប់ក្រុមអ្នកស្រឡាញ់ ភេទដូចគ្នាកុំមានការព្រួយបារម្ភ ចំពោះការរើសអើងពីអ្នកដទៃ ដោយសារសម្ដេចតេជោ ហ៊ុន សែន ដែលជាប្រមុខរាជរដ្ឋាភិបាលកម្ពុជា បានយកចិត្តទុកដាក់គ្រប់បែបយ៉ាងលើបញ្ហានេះ៕
ដោយ ៖ កោះកែវ
ស្តង់ពិព័រណ៍ម្ហូបអាហារត្រូពិចអន្តរជាតិហៃណានលើកទី៣ នឹងបញ្ចុះតម្លៃ ៥០% ដល់ពាណិជ្ជករកម្ពុជា
ទោះបីរងទណ្ឌកម្មក្នុងសង្គ្រាម រុស្ស៊ីនាំចេញផលិតផលកសិកម្មទៅកាន់១០៨ប្រទេស
បាក់អណ្តូងរ៉ែ នៅភាគខាងជើងប្រទេសមីយ៉ាន់ម៉ាសង្កត់មនុស្ស ២០នាក់
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
ស្ត្រីម្នាក់ ជិះម៉ូតូពីខេត្តព្រៃវែងមកលោតទឹកសម្លាប់ខ្លួនលើស្ពានជ្រោយចង្វារ ដោយមិនទាន់ដឹងមូលហេតុ
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៨ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ១៩ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន