ព័ត៌មានជាតិ
តំណាង UN គាំទ្រការរៀបចំសេចក្តីព្រាងច្បាប់ ស្ដីពីការបង្កើតគណៈកម្មាធិការសិទ្ធិមនុស្សជាតិ
អ្នកសម្របសម្រួលអង្គការសហប្រជាជាតិប្រចាំកម្ពុជា លោកស្រី ប៉ូលីន តាមេស៊ីស (Pauline Tamesis) បានប្រកាសគាំទ្រ ការរៀបចំសេចក្តីព្រាងច្បាប់ ស្ដីពីការបង្កើតគណៈកម្មាធិការសិទ្ធិមនុស្សជាតិ និងជួយរៀបចំសិក្ខាសាលាថ្នាក់ជាតិ ដើម្បីពិនិត្យមើលរបាយការណ៍ UPR។
ការប្រកាសរបស់លោកស្រី Pauline Tamesis បានធ្វើឡើង ខណៈលោកស្រីបានចូលជួបពិភាក្សាការងារជាមួយលោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា កាលពីព្រឹកថ្ងៃទី២៥ ខែវិច្ឆិកា ឆ្នាំ២០២១នេះ នៅទីស្នាក់ការគណៈកម្មាធិការសិទ្ធិមនុស្សកម្ពុជា។
លោក កត្តា អ៊ន អ្នកនាំពាក្យគណៈកម្មាធិការសិទ្ធិមនុស្សកម្ពុជាបានថ្លែងប្រាប់អ្នកសារព័ត៌មានក្រោយពីជំនួបនោះថា នៅក្នុងជំនួបពិភាក្សានោះ បានលើកឡើងពីចំណុចចំនួន៣សំខាន់ៗគឺ៖ ទី១, ទាក់ទងទៅនិងវឌ្ឍនភាពនៃអនុសាសន៍ UPR ដែលកម្ពុជាបានការពារកាលពីខែមករា ឆ្នាំ២០១៩ ដែលមកដល់ពេលនេះ មានរយៈពេល២ឆ្នាំហើយ។ ទី២, លោកស្រីចង់ដឹងផងដែរ ទាក់ទងទៅនឹងការវិវត្តន៍ នៃផែនការសកម្មភាពការងារពាក់ព័ន្ធទៅនឹងដំណើរការ នៃការធ្វើសេចក្តីព្រាងច្បាប់ ស្ដីពីការបង្កើតគណៈកម្មាធិការសិទ្ធិមនុស្សជាតិកម្ពុជា ដែលគណៈកម្មាធិការសិទ្ធិមនុស្សកម្ពុជាកំពុងតែធ្វើការពិគ្រោះយោបល់ហើយដែលកិច្ចពិគ្រោះយោបល់នេះបានធ្វើតាំងពីខែកក្កដា ឆ្នាំ២០២១មកម្ល៉េះ។ ទី៣, លោកស្រីចង់ដឹងផងដែរ អំពីទំនាក់ទំនងរវាងអនុសាសន៍ នៃរបាយការណ៍ UPR និងបញ្ហាការអនុវត្តសិទ្ធិស្ត្រីនៅកម្ពុជា។
បើតាមលោក កត្តា អ៊ន នៅក្នុងជំនួបពិភាក្សានោះលោកស្រីបានថ្លែងអំណរគុណ និងកោតសរសើរចំពោះទំនាក់ទំនងរវាងរាជរដ្ឋាភិបាលកម្ពុជា ជាមួយតំណាងអង្គការសហប្រជាជាតិដែលមានកិច្ចសហប្រតិបត្តិការល្អលើវិស័យសិទ្ធិមនុស្ស។
ថ្លែងនៅក្នុងឱកាសនោះ លោក កែវ រ៉េមី បានលើកឡើងពីការរីកចម្រើន នៃការអនុវត្តអនុសាសន៍ UPR ចាប់តាំងពីកម្ពុជាទទួលបានអនុសាសន៍១៧៣មក។ នៅខែតុលា ឆ្នាំ២០១៩ គណៈកម្មាធិការសិទ្ធិមនុស្សកម្ពុជា បានសហការជាមួយការិយាល័យឧត្តមស្នងការអង្គការសិទ្ធិមនុស្សប្រចាំកម្ពុជា បានធ្វើការពិភាក្សាលើអនុសាសន៍ទាំងនោះ ហើយគណៈកម្មាធិការសិទ្ធិមនុស្សកម្ពុជាបានធ្វើការបែងចែកកិច្ចការនេះទៅកាន់ក្រសួងស្ថាប័នពាក់ព័ន្ធ ហើយនៅខែកក្កដា ឆ្នាំ២០២១នេះ ដែលជាគម្រប់២ឆ្នាំ គណៈកម្មាធិការសិទ្ធិមនុស្សបានចាប់ផ្ដើមប្រមូលឯកសារទាំងនោះមកចងក្រង ដើម្បីឲ្យក្លាយជារបាយការណ៍ពាក់កណ្ដាលអាណត្តិ (UPR)។
ក្រោយពីស្ដាប់របាយការណ៍របស់គណៈកម្មាធិការសិទ្ធិមនុស្សកម្ពុជា លោកស្រី ប៉ូលីន តាមេស៊ីស (Pauline Tamesis) បានសម្ដែងការគាំទ្រចំពោះសកម្មភាពរបស់គណៈកម្មាធិការសិទ្ធិមនុស្ស និងបានស្នើសុំជួយតែម្ដង គឺធ្វើជាសហអ្នករៀបចំសិក្ខាសាលាថ្នាក់ជាតិ ដើម្បីពិនិត្យមើលរបាយការណ៍ពាក់កណ្តាលអណត្តិ ហើយទី២ លោកស្រីនឹងបន្តជួយតាមរយៈការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា ដើម្បីរៀបចំសិក្ខាសាលាពិគ្រោះទៅលើសេចក្តីព្រាងច្បាប់ ស្តីពីការបង្កើតគណៈកម្មាធិការសិទ្ធិមនុស្សជាតិកម្ពុជាបន្ត។
លោក កត្តា អ៊ន អះអាងថា ចំណុចពីរនេះ គឺលោកស្រីលោកស្រី Pauline Tamesis បានប្រកាសជួយជាចំហតែម្ដង ហើយចំណុចទាំងពីរនេះ ភាគីទាំងពីរបានឯកភាពគ្នាថា នឹងរៀបចំនៅឆមាសទីមួយនៃឆ្នាំ២០២២ខាងមុខ៕
ដោយ ៖ កោះកែវ
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ