ព័ត៌មានជាតិ

អប់រំមិនឲ្យប្រើដំរីដឹកភ្ញៀវទេសចររុកព្រៃនៅខេត្តមណ្ឌលគីរី

បានផុស

៥ years មុន

នៅ

ថ្ងៃសុក្រ ១០ ធ្នូ ២០២១

ដោយ

ទេសចរណ៍ជិះដំរីកម្សាន្តតាមព្រៃក្នុងខេត្តមណ្ឌលគិរី មានការថយចុះជាផ្នែកមួយរួមចំណែកដល់ការការពារនិងអភិរក្សសត្វព្រៃនៅ កម្ពុជា។

លោក ងិន សុវិមាន ប្រធានមន្ទីរទេសចរណ៍ខេត្តមណ្ឌលគិរីបានឲ្យកម្ពុជាថ្មីដឹងថា ទេសចរណ៍ជិះដំរីមានការពេញនិយមកន្លងទៅ ជាពិសេសភ្ញៀវបរទេសដែលនិយមជួលជិះទៅ រុករកព្រៃជ្រៅ ៗ។

ខេត្តមណ្ឌលគីរីជាតំបន់ព្រៃភ្នំខ្ពង់រាប ហើយដំរីមានការចិញ្ចឹមតាមភូមិរបស់បងប្អូនជនជាតិភាគតិចមួយចំនួន។ យ៉ាងណា ក្រោយមានការចុះអប់រំពីអង្គការមួយដែលអភិរក្សសត្វដំរី កុំឲ្យប្រើប្រាស់សត្វដំរីបម្រើដឹកជញ្ជូនភ្ញៀវទេសចរទៀត ប្រជាជនក៏យល់ដឹងច្រើនហើយបានចូលរួមអភិរក្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នការប្រើប្រាស់សត្វដំរីដឹកភ្ញៀវទេសចរលំហែក្នុងព្រៃមានការធ្លាក់ចុះ ហើយបើមានក៏នៅ មានតិចតួចដែរ។

លោកងិន សុវិមានបញ្ជាក់ថា ជាគោលការណ៍មន្ទីរមិនធ្វើការហាមឃាត់ទេ គ្រាន់តែចុះណែនាំកុំឲ្យប្រើប្រាស់សត្វដំរីទៀត ដើម្បីការពារអភិរក្សសត្វកម្រនេះ។

“សត្វដំរីវាចាស់ៗណាស់ទៅ ហើយ ហើយមន្រ្តីបានចុះណែនាំបងប្អូនអ្នកភូមិឲ្យបានយល់ ទើបបច្ចុប្បន្ននេះក៏មិនសូវមានការប្រើដំរីដឹកជញ្ជូនភ្ញៀវទេសចរដូចមុនទៀតដែរ”។

បើតាមលោក សុវិមាន បងប្អូននៅ តែអាចរកចំណូលពីការជួលដំរីដឹកភ្ញៀវដើរកម្សាន្តតាមភូមិ តែចៀសវាងដឹករុករកតាមព្រៃជ្រៅ ៗ នាំឲ្យប៉ះពាល់សុខភាពសត្វដំរី។

ភ្ញៀវទេសចរបរទេសនិយមកម្សាន្តលើខ្នងដំរី ដែលមានភូមិពូតាំង និងភូមិពូលូង ក្នុងឃុំពូលូង ក្រុងសែនមនោរម្យ ដោយជួលជិះកម្សាន្តគយគន់ទេសភាព តាមព្រៃព្រឹក្សាឡើងចុះជ្រលងភ្នំ និង ទឹកធ្លាក់នៅ ខេត្តភាគឦសាននេះ។

នៅ ក្នុងប្រទេសកម្ពុជា ដំរីអាស៊ីមានចំនួនប្រមាណ ពី៤០០ ទៅ ៦០០ក្បាល ដែលភាគច្រើនរស់នៅក្នុងតំបន់ជួរភ្នំក្រវាញ តំបន់ខ្ពង់រាបខាងជើងទន្លេសាប និងតំបន់ខ្ពង់រាបភាគខាងកើត ក្នុងខេត្តមណ្ឌលគីរី ខេត្តរតនគិរី។ ដំរីអាស៊ីកំពុងរងការគំរាមកំហែងធ្ងន់ធ្ងរ ដោយសារមានការបរបាញ់ ការដាក់អន្ទាក់ ជម្លោះរវាងមនុស្សនិងសត្វដំរី និងការចាប់ផ្ស៊ាំ យកមកចិញ្ចឹមក្នុងស្រុក ដែលចាំបាច់ចូលរួមការពារ និងអភិរក្សសត្វដំរីឱ្យបានគង់វង្ស៕

អត្ថបទ៖ ប៊ុណ្ណារ៉ា

Related Topics:ខេត្តមណ្ឌលគិរី