ជីវិតកម្សាន្ដ

ខ្ញុង ៖ ក្បិតអីថាពេលនេះខ្ញុំបរាជ័យតែខ្ញុំមិនត្រូវការមនុស្សដូចអ្នកវៃក្បាលអង្អែលខ្នងទេ

បានផុស

៤ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

ភ្នំពេញ ៖ តារាកំប្លែងអ្នកនាង ស្រេង សុកាន់ដា ហៅ ខ្ញុង ដែលទើបនិងផ្ទុះរឿងអាស្រូវជំពាក់បំណុលគេជាងកន្លះលានដុល្លារសុខៗ ស្រាប់តែបញ្ចេញសារបង្ហាញការមិនសប្បាយចិត្តក្រោយរងការរិះគន់ពីបុគ្គលមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតតែយ៉ាងណាក្តីតារាកំប្លែងអ្នកនាង ខ្ញុង មិន បានទម្លាយប្រាប់ឲ្យដឹងទេថា នាងអាក់អន់ចិត្តចំពោះបុគ្គលរូបណាទេ ខណៈមានអ្នកគាំទ្រមួយចំនួនបានផ្ញើសារលើកទឹកចិត្តដល់តារាស្រីរូបនេះកុំឲ្យខ្វល់សម្តីអ្នកដទៃព្រោះចិត្តមនុស្សមិនដូចគ្នាទេ។

អ្នកនាង ខ្ញុងបានរៀបរាប់ថា ក្បិតអីថាពេលនេះខ្ញុំបរាជ័យខ្ញុំអត់ពិបាកជំពាក់គេ តែខ្ញុំក៏មិនត្រូវការមនុស្សដូចអ្នកមកស្គាល់ខ្ញុំទៀតដែរ កុំបាច់វៃក្បាលអង្អែលខ្នង មនុស្សដែលស្គាល់តែពេលមានបានដូចអ្នក មិនអាចរកមិត្តល្អ បងប្អូនល្អ អ្នកជិតខាងល្អ មិត្តរួមការងារល្អបានឡើយ។

គួររម្លឹកថា អ្នកនាងខ្ញុងកាលពីថ្មីៗកន្លងទៅបានផ្ទុះរឿងរ៉ាវអាស្រូវផ្អើលអស់អ្នកគាំទ្រពេញមួយប្រទេសបន្ទាប់ពីនាងទម្លាយចំនួនទឹកប្រាក់ដែលជំពាក់ បំណុលគេជាងកន្លះលានដុល្លារ។

ទោះបីយ៉ាងណាសម្រាប់ ខ្ញុង និងស្វាមីនាយ កៃដរ នៅតែបន្តការតស៊ូជាមួយគ្នាតាមរយៈការឡាយលក់ ផ្អក ប្រហុក ត្រីងៀត ដើម្បីយកលុយដោះបំណុលគេនិងធ្វើជាដើមទុកសាងជីវិតជាថ្មីឡើងវិញផងដែរ៕

ដោយ ៖ ចាន់រ៉ា